RGV : 40 ఏళ్ళ ముందు కలిస్తే వదిలేవాడిని కాదు, విడాకులూ అయ్యేవి కావు.. గే అనుకుంటారు, కానీ నమ్మరు!

ప్రీ రిలీజ్ ఈవెంట్ లో

మేఘ ఆకాష్ హీరోయిన్ గా అదిత్ అరుణ్ హీరోగా రూపొందిన డియర్ మేఘ సినిమా రిలీజ్ కి సిద్ధమవుతోంది. కన్నడలో సూపర్ హిట్ గా నిలిచిన దియా అనే సినిమాని తెలుగులో డియర్ మేఘ పేరుతో రీమేక్ చేస్తున్నారు.. సుశాంత్ రెడ్డి దర్శకత్వంలో అర్జున్ దాస్యం నిర్మించిన ఈ సినిమా సెప్టెంబర్ 3వ తేదీన విడుదల కాబోతోంది. ఈ సినిమాకు సంబంధించిన ప్రీ రిలీజ్ ఈవెంట్ నిన్న హైదరాబాద్ లో గ్రాండ్ గా జరిపారు దర్శకనిర్మాతలు. ఈవెంట్ కి ముఖ్య అతిథిగా హాజరైన రాంగోపాల్ వర్మ సంచలన వ్యాఖ్యలు చేశారు.

డైవోర్స్ కూడా తీసుకునేవాడిని కాదు

ఈ ఈవెంట్ లో వర్మ ముందుగా ఒక పాట పాడిన సింగర్ ను మెచ్చుకున్నారు. ఈ పాట వింటున్నప్పుడు తనకు చాలా మంచి ఫీలింగ్ కలిగిందని ఆయన అన్నారు. ఇక ఆ తరువాత మేఘా ఆకాశ్ వంక చూస్తూ 40 ఏళ్ల క్రితం కనుక తనకు ఇలాంటి అమ్మాయి దొరికి ఉంటే నేను ఇప్పుడు ఇలా ఉండేవాడిని కాదు అని వర్మ చెప్పుకొచ్చాడు. ఇలాంటి అమ్మాయి గారికి తనకు దొరికి ఉంటే కచ్చితంగా డ్రైవర్స్ కూడా తీసుకుని ఉండేవాడిని కాదు అని అన్నాడు.

డయాబెటిస్ వచ్చేస్తుంది

అలా అంటూనే మేఘతో తనకు ఒక ప్రాబ్లం ఉందని తను నా టైప్ హీరోయిన్ కాదని చెబుతూనే ఆమె చాలా స్వీట్ గా ఉంటుందని ఆమెను కలిసిన వారిలో డయాబెటిస్ వస్తుందేమోనని ఆమె మీద పొగడ్తల వర్షం కురిపించాడు. ఇక అక్కడితో ఆగి పోనీ వర్మ హీరో అదిత్ ను కూడా పొగిడాడు. అలాగే ఇప్పుడు మేఘని పొగిడినట్లుగా అదిత్ ని పొగిడితే తనను గే అనుకుంటారని కూడా వర్మ చెప్పుకొచ్చాడు.

గే అనుకుంటారు కానీ

అయితే తన మీద ఎన్ని ఆరోపణలు వచ్చినా నమ్ముతారు ఏమో కానీ తాను మాత్రం గే అంటే జనం నమ్మరు అని వర్మ చెప్పుకొచ్చాడు.. అంతేకాక అదిత్ లో మంచి నటుడు ఉన్నాడు అని చెప్పిన వర్మ తనతో అదిత్ ఒక సినిమా త్వరలో చేయబోతున్నాడని కూడా ప్రకటించారు. మొత్తం మీద డియర్ మేఘ ప్రీ రిలీజ్ ఈవెంట్ లో వర్మ చేసిన ఈ కామెంట్స్ మాత్రం సోషల్ మీడియాలో తెగ వైరల్ అవుతున్నాయి.

ఉబ్బితబ్బిబయిన మేఘా ఆకాష్

అయితే వర్మ ఏకంగా పెళ్లి చేసుకుంటాను అనేట్టు కామెంట్ చేయడంతో మేఘా ఆకాశ్ అయితే ఉబ్బితబ్బిబ్బైయ్యారు. అయితే మేఘ ఆకాష్ కెరీర్ అంతా బాగున్నట్లు గా ఏమీ లేదు. ఎందుకంటే ఆమె ఎన్ని సినిమాలు చేస్తున్నా సరే ఆమెకు స్టార్ హోదా అయితే దక్కడం లేదు అనే చెప్పాలి. చూడాలి మరి ఈ సినిమా ఆమెకు మంచి పేరు తెచ్చి పెడుతుందేమో మరి.