హోమ్

లేటేస్ట్ న్యూస్

సినిమాల్లోకి రీఎంట్రీ ఇస్తున్నట్లు ప్రకటించిన తర్వాత పవర్ స్టార్ పవన్ కల్యాణ్ ఫుల్ జోష్ మీద ఉన్నాడు. ఇప్పటికే వేణు శ్రీరామ్ దర్శకత్వంలో 'వకీల్ సాబ్' అనే సినిమాను చేస్తున్న ఆయన.. వరుసగా కొన్ని ప్రాజెక్టులను లైన్‌లో పెట్టేశాడు. గతంలోనే క్రిష్ జాగర్లమూడితో ఓ సినిమాను, హరీశ్ శంకర్‌తో మరో సినిమాను ప్రకటించాడు. వీటిని వరుసగా పూర్తి చేస్తాడని అంతా అనుకున్నారు. కానీ, ఊహించని విధంగా 'అయ్యప్పనుమ్ కోషియం' అనే మలయాళ సినిమా రీమేక్‌ను తెరపైకి తీసుకొచ్చాడు. తాజాగా ఈ ప్రాజెక్టు గురించి ఓ న్యూస్ తెగ చక్కర్లు కొడుతోంది.

సాగర్ కే చంద్ర దర్శకత్వంలో పవర్ స్టార్ పవన్ కల్యాణ్ 'అయ్యప్పనుమ్ కోషియం' అనే సినిమాను రీమేక్‌లో నటిస్తున్నాడు. సితారా ఎంటర్‌టైన్‌మెంట్స్ బ్యానర్‌పై సూర్యదేవర నాగవంశీ నిర్మిస్తున్న ఈ సినిమాలో టాలీవుడ్ హంక్ దగ్గుబాటి రానా కూడా నటిస్తున్నాడు. ఇప్పటికే పూజా కార్యక్రమాలు జరుపుకున్న ఈ సినిమా త్వరలోనే షూటింగ్ ప్రారంభించనుంది. ఈ నేపథ్యంలో ఇందులో అత్యంత కీలకమైన హీరో (రానా) తండ్రి పాత్రను సీనియర్ డైరెక్టర్, విలక్షణ నటుడు సముద్రఖని పోషిస్తున్నట్లు తెలుస్తోంది. ఎప్పటి నుంచో ప్రచారం జరుగుతోన్న దీనిపై తాజాగా క్లారిటీ వచ్చింది.

రవితేజ హీరోగా గోపీచంద్ మలినేని దర్శకత్వంలో వచ్చిన చిత్రం 'క్రాక్'. సంక్రాంతి కానుకగా విడుదలైన ఈ సినిమా ఘన విజయాన్ని అందుకోవడంతో పాటు కలెక్షన్ల పరంగానూ దుమ్ము దులిపేసింది. ఇందులో హీరో తర్వాత విలన్ కటారి కృష్ణ పాత్రను పోషించిన సముద్రఖని గురించే అంతా మాట్లాడుకున్నారు. ఈ నేపథ్యంలో తాజాగా ఓ ఇంటర్వ్యూలో పాల్గొన్న ఆయన.. పవన్ సినిమా 'అయ్యప్పనుమ్ కోషియం' రీమేక్‌లో నటిస్తున్నట్లు వెల్లడించారు. ఏ పాత్ర అనేది చెప్పలేదు కానీ.. ముఖ్యమైన రోల్ అని మాత్రం చెప్పుకొచ్చారు.