Click it and Unblock the Notifications
Don't Miss!
-
ఎమ్మెల్యే రాజా సింగ్ పై కేసు నమోదు -
PBKS vs MI: రోహిత్ శర్మ ట్రేడ్ మార్క్ సిక్సర్.. హార్దిక్ రియాక్షన్ వైరల్! వీడియో -
గుడ్నైట్ సందేశాలను ఇలా సరదాగా పంపుకోండి.. -
40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు! -
గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ -
Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను.. -
ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
Kaikala Satyanarayana: టాలీవుడ్‌లో తీవ్ర విషాదం.. నవరస నట సార్వభౌమ కన్నుమూత
తెలుగు సినీ ఇండస్ట్రీలో కొంత కాలంగా వరుసగా విషాదకర సంఘటనలు చోటు చేసుకుంటూనే ఉన్నాయి. ఇలా ఈ మధ్య కాలంలో ఎంతో మంది ప్రముఖులు ప్రాణాలు విడిచారు. మరీ ముఖ్యంగా రెండు మూడు నెలల వ్యవధిలో కృష్ణంరాజు, కృష్ణ వంటి దిగ్గజ నటులను పరిశ్రమ కోల్పోయింది. దీంతో చిత్ర రంగానికి తీవ్ర లోటు ఏర్పడింది. ఈ క్రమంలోనే ఇప్పుడు మరో నట శిఖరం నేలకొరిగింది. దాదాపు ఆరు దశాబ్దాలకు పైగానే టాలీవుడ్‌లో నటుడిగా సత్తా చాటి లెజెండరీ యాక్టర్‌గా పేరొందిన కైకాల సత్యనారాయణ కాసేపటి క్రితమే తుది శ్వాసను విడిచారు.
అనారోగ్యంతో ఇబ్బందులు
సుదీర్ఘ కాలం పాటు టాలీవుడ్‌లో తనదైన విలక్షణ నటనతో ప్రేక్షకులను అలరించిన నవరస నట సార్వభౌమ కైకాల సత్యనారాయణ.. కొంత కాలంగా అనారోగ్య కారణాలతో ఇబ్బంది పడుతున్నారు. మరీ ముఖ్యంగా కరోనా సమయంలో ఆయన తరచూ అస్వస్థతకు గురవుతూ వచ్చారు. ఇలా ఇప్పటికే పలుమార్లు ఆస్పత్రికి వెళ్లి చికిత్స కూడా తీసుకున్న విషయం తెలిసిందే.
ఇంట్లోనే కన్నుమూసిన స్టార్
అనారోగ్య కారణాలతో తీవ్ర ఇబ్బందులు ఎదుర్కొంటోన్న కైకాల సత్యనారాయణ (87).. శుక్రవారం తెల్లవారుజామున మరోసారి అస్వస్థతకు గురయ్యారు. ఈ క్రమంలోనే శుక్రవారం ఉదయం ఫిల్మ్ నగర్‌లోని ఆయన నివాసంలో తుదిశ్వాస విడిచారు. ఈ విషయాన్ని ఆయన కుటుంబ సభ్యులు ధృవీకరించారు. దీంతో తెలుగు సినీ ఇండస్ట్రీలో విషాయ ఛాయలు అలముకున్నాయి.
దిగ్గజ నటుడికి సంతాపంగా
టాలీవుడ్ సీనియర్ నటుడు కైకాల సత్యనారాయణ మరణంతో సినీ పరిశ్రమలో విషాద పరిస్థితులు కనిపిస్తున్నాయి. దీంతో ఆయన మరణంపై అభిమానులు, సినీ ప్రముఖులు దిగ్భ్రాంతి వ్యక్తం చేస్తున్నారు. అలాగే, రాజకీయ రంగానికి చెందిన ప్రముఖులు కూడా సంతాపం తెలుపుతున్నారు. ఈ మేరకు సోషల్ మీడియాలో కైకాల సత్యనారాయణ మరణంపై పోస్టులు చేస్తున్నారు.
అంత్యక్రియలు ఎప్పుడంటే
కైకాల సత్యనారాయణ మరణ వార్త ఇటు సినీ పరిశ్రమలోనూ, అటు రాజకీయ వర్గాల్లోనూ తీవ్ర విషాదాన్నే నింపింది. ఇక, ఆయన భౌతిక కాయాన్ని ఇంటి దగ్గరే ఉంచుతారని తెలిసింది. ఆ తర్వాత అభిమానుల సందర్శనార్థం ఫిలిం చాంబర్‌కు తీసుకొచ్చే అవకాశం ఉందని తెలుస్తోంది. ఇక, కైకాల అంత్యక్రియలు శనివారం ఉదయం జరుగుతాయని తాజాగా సమాచారం.
అన్ని వందల సినిమాలతో
కైకాల సత్యనారాయణ 1959లో వచ్చిన 'సిపాయి కూతురు' అనే చిత్రం ద్వారా నటుడిగా పరిచయం అయ్యారు. అప్పటి నుంచి 60 ఏళ్ల సినీ జీవితంలో విలన్‌గా, క్యారెక్టర్ ఆర్టిస్టుగా, కమెడియన్‌గా, హీరోగా చాలా పాత్రల్లో దాదాపు 750కి పైగా చిత్రాల్లో నటించారు. ఈ క్రమంలోనే ఎన్నో అవార్డులు కూడా అందుకున్నారు. ఆయన చివరిగా 'మహర్షి' చిత్రంలో కనిపించారు.
సత్యనారాయణ నేపథ్యం
కైకాల సత్యనారాయణ 1935లో కృష్ణా జిల్లా, కౌతవరం మండలం, గుడ్ల వల్లేరులో జన్మించారు. ఆయనకు ఇద్దరు కూతుళ్లు, కుమారులు ఉన్నారు. సినిమాల మీద ఉన్న మక్కువతో స్టేజ్ ప్రోగ్రామ్‌లలో నటించి మెప్పించిన కైకాల సత్యనారాయణ.. ఆ తర్వాత మద్రాసు వెళ్లారు. ఈ క్రమంలోనే నటుడిగా ప్రయాణాన్ని మొదలెట్టి.. పెద్ద పెద్ద స్టార్లతో పోటీగా నటించి మెప్పించారు.
