బ్లాక్ బస్టర్ కా బాప్.. సరిలేరుపై సూపర్ స్టార్ కృష్ణ స్పందన

కలెక్షన్ల జోరు..

ఈ చిత్రం ఇప్పటికే రెండు వందల కోట్ల గ్రాస్‌ను కలెక్ట్ చేసి 250కోట్ల దిశగా పరుగులు తీస్తోంది. కేవలం తెలుగు రాష్ట్రాల్లో దాదాపు 120కోట్ల షేర్‌ను రాబట్టి నాన్ బాహుబలి రికార్డులను క్రియేట్ చేస్తోంది. పూర్తి రన్ ముగిసే వరకు ఇంకెన్ని రికార్డులు క్రియేట్ చేస్తుందో చూడాలి.

సూపర్ స్టార్ కృష్ణ స్పందన..

సరిలేరు నీకెవ్వరుపై సూపర్ స్టార్ కృష్ణ స్పందించాడు. ఈ చిత్రం పెద్ద సక్సెస్ కావడం ఎంతో సంతోషంగా ఉందని, అలానే సినిమా సక్సెస్ అయ్యి పోస్టర్లపై బ్లాక్ బస్టర్ కా బాప్ అని హెడ్డింగ్ ఇవ్వడం చాలా బాగుందని, ఇంకా రాబోయే రోజుల్లో కూడా ఈ సినిమా బాగానే కలెక్ట్ చేస్తుందనే నమ్మకం తనకు ఉందని అన్నాడు.

ఎక్కడా కాంప్రమైజ్ కాకుండా..

ఇంకా మాట్లాడుతూ.. దర్శక నిర్మాతలు ఎక్కడా కాంప్రమైజ్ కాకుండా తీశారని అన్నాడు. ఈ సినిమాలో నటించిన హీరో సూపర్ స్టార్ మహేష్, నిర్మాతలు అనిల్ సుంకర, దిల్ రాజు, దర్శకుడు అనిల్ రావిపూడిలకు ప్రత్యేకంగా అభినందనలను తెలిపాడు.

మహేష్ బాబు రిప్లై..

సరిలేరుపై సూపర్ స్టార్ కృష్ణ రియాక్షన్‌‌ను చూసిన మహేష్ సోషల్ మీడియా వేదికగా స్పందించాడు. ఇదొక్కటి చాలు.. అన్నింటి కూల్ చేసేస్తుంది.. థ్యాంక్యూ సూపర్ స్టార్.. సరిలేరు నీకెవ్వరు అంటూ ట్వీట్ చేశాడు. ప్రస్తుతం ఫ్యామిలీతో కలిసి హాలిడే ఎంజాయ్ చేస్తున్న మహేష్ బాబు తన 27వ సినిమాని ‘మహర్షి' దర్శకుడు వంశీ పైడిపల్లి దర్శకత్వంలో చేయనున్నాడు.