Tuck Jagadish రికార్డు.. అమెజాన్ హిస్టరీలో మొదటి సినిమా.. ఎక్కడా తగ్గని నాని!

టక్ జగదీష్

నాని హీరోగా రీతూ వర్మ, ఐశ్వర్య రాజేష్ హీరోయిన్లుగా శివ నిర్వాణ దర్శకత్వంలో రూపొందిన సినిమా టక్ జగదీష్. గతంలో నాని శివ నిర్వాణ కాంబినేషన్ లో వచ్చిన నిన్ను కోరి సినిమా సూపర్ హిట్ కావడంతో ఈ సినిమా మీద ముందు నుంచి భారీ అంచనాలు నెలకొన్నాయి. దీంతో సినిమాని ఎలా అయినా థియేటర్లలో విడుదల చేయాలని నాని సహా సినిమా యూనిట్ అంతా భావించింది. అయితే అయితే కొన్ని కారణాల దృష్ట్యా సినిమాను థియేటర్లలో రిలీజ్ చేయకుండా డిజిటల్ వేదికగా రిలీజ్ చేయడానికి సిద్ధమయ్యారు.. మధ్యలో ఎగ్జిబిటర్లు నుంచి అభ్యంతరాలు వచ్చినప్పటికీ కూడా ఓటీటీలోకి ధైర్యం చేసి అడుగులు వేశారు.

బిజినెస్ విషయంలో

అయితే సినిమా విడుదలైన తర్వాత దానికి మిశ్రమ స్పందన దీంతో థియేటర్లలో రిలీజ్ చేయకుండా డిజిటల్ వేదికగా రిలీజ్ చేయడమే మంచిది అయ్యింది అంటూ కొన్ని కామెంట్స్ కూడా వస్తున్నాయి. ఎందుకంటే సినిమా అంతగా నచ్చలేదని థియేటర్ లోకి వచ్చి ఉంటే చాలా ఎక్కువగా నష్టపోయేదని అంటున్నారు. మొత్తంగా సినిమా బిజినెస్ విషయంలో నిర్మాతలకు మంచి ప్రాఫిట్స్ దక్కినట్లు తెలుస్తోంది. నాని గత కొంత కాలంగా బాక్సాఫీసు వద్ద సరైన విజయాన్ని అందుకోలేదు.

మంచి లాభాలను

2017లో మిడిల్ క్లాస్ అబ్బాయి అనంతరం నాని కమర్షియల్ విజయాన్ని అందుకోలేదు. ఆ తర్వాత వచ్చిన కృష్ణార్జున యుద్ధం, దేవదాస్, జెర్సీ, గ్యాంగ్ లీడర్ సినిమాలు విమర్శకుల ప్రశంసలు అందుకున్నప్పటికీ బాక్సాఫీసు వద్ద మాత్రం గతంలో మాదిరిగా నిర్మాతలకు లాభాలు తెచ్చి పెట్టలేదు. జెర్సీ సినిమా మాత్రం కాస్త మంచి కలెక్షన్స్ తెచ్చి పెట్టింది.

కరోనా లాక్ డౌన్ అనంతరం థియేటర్ బిజినెస్ బాగా తగ్గిపోవడం వలన నాని V సినిమాను నిర్మాత దిల్ రాజు థియేట్రికల్ గా విడుదల చేయడం ఇష్టం లేక అమెజాన్ ప్రైమ్ కు భారీ ధరకు అమ్మేశారు. ఒక విధంగా సినిమా పెట్టిన పెట్టుబడినికి నాన్ థియేట్రికల్ గానే లాభాలను అందించింది. రీసెంట్ గా విడుదలైన టక్ జగదీష్ సినిమా కూడా మంచి అలాగే మంచి లాభాలను అందించింది.

17 కోట్ల వరకు లాభం

టక్ జగదీష్ సినిమా కోసం దాదాపు 34 కోట్ల వరకు ఖర్చు కాగా అమెజాన్ ప్రైమ్ ఈ సినిమాను మొత్తం 37 కోట్లకు కొనుగోలు చేసింది. మరో పక్క ప్రత్యేకంగా శాటిలైట్ హక్కులు అమ్ముకోవడంతో నిర్మాతలకు మరొక 7.5 కోట్లు లాభంగా వచ్చాయి. ఆడియో రైట్స్ ద్వారా మరొక రెండు కోట్లు రాగా హిందీ డబ్బింగ్ రైట్స్ ద్వారా ఐదు కోట్లు లాభం వచ్చిందంటున్నారు. మొత్తంగా ఈ సినిమా యాభై 51.5 కోట్ల వరకు బిజినెస్ చేసింది. అంటే 34 కోట్ల బడ్జెట్ పెడితే ఆ పెట్టుబడికి నిర్మాతలకు 17 కోట్ల వరకు లాభం వచ్చింది.

సినిమా మరో రికార్డు

ఇక ఈ బిజినెస్ విషయాలు పక్కన పెడితే ఈ సినిమా మరో రికార్డు సృష్టించింది. అదేమిటంటే, ఇప్పటివరకు అమెజాన్ ప్రైమ్ లో విడుదలైన అన్ని తెలుగు సినిమాలలో కూడా మొదటి రోజు భారీ ఎత్తున చూసిన మొట్టమొదటి తెలుగు సినిమాగా రికార్డు సంపాదించింది. సినిమా అమెజాన్ ప్రైమ్ లో విడుదలవుతుందని ముందు నుంచి ప్రచారం చేయడమే అమెజాన్ ప్రైమ్ సభ్యులందరూ కూడా , మొదటి రోజే సినిమా చూసే లాగా చేసిందని భావిస్తున్నారు. దీంతో మొదటి రోజు మాత్రం మంచి రికార్డు స్థాయిలో వ్యూస్ రాబట్టింది అని అంటున్నారు.