Don't Miss!
- News ఏపీ ఇంటెలిజెన్స్ డీజీగా కుమార్ విశ్వజిత్, విజయవాడ సీపీగా రామకృష్ణ
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
'విశ్వామిత్ర' శాటిలైట్ రైట్స్ దక్కించుకున్న ప్రమఖ ఛానల్
నందితా రాజ్ ప్రధాన పాత్రలో నటిస్తున్న చిత్రం 'విశ్వామిత్ర'. గీతాంజలి, త్రిపుర వంటి హిట్ హారర్ థ్రిల్లర్స్ తర్వాత రాజ్ కిరణ్ దర్శకత్వంలో వస్తున్న థ్రిల్లర్ చిత్రమిది. ఫణి తిరుమలశెట్టి సమర్పణలో రాజకిరణ్ సినిమా పతాకంపై మాధవి అద్దంకి, రజనీకాంత్ ఎస్., రాజకిరణ్ నిర్మిస్తున్నారు.
'విశ్వామిత్ర' శాటిలైట్ హక్కులను ప్రముఖ తెలుగు ఎంటర్టెన్మెంట్ ఛానల్ వారు ఫ్యాన్సీ రేటుకు దక్కించుకున్నారు. రాజ్ కిరణ్ దర్శకత్వం వహించిన గీతాంజలి, త్రిపుర చిత్రాలు మంచి విజయం సాధించడంతో అతడి డైరెక్షన్ మీద నమ్మకంతో 'విశ్వామిత్ర' రైట్స్ సదరు ఛానల్ దక్కించుకున్నట్లు తెలుస్తోంది.
రాజ్ కిరణ్ మాట్లాడుతూ "రియల్ లైఫ్ ఇన్సిడెంట్స్ ఆధారంగా ఈ చిత్రం చేశాం. న్యూజీలాండ్, అమెరికాలో నిజంగా జరిగిన సంఘటనల నేపథ్యంతో కథ తయారు చేశాను. సృష్టిలో జరిగే విషయాలను మనుషులు అంచనా వేయలేరు. ఈ సృష్టిలో ఏదైనా సాధ్యమే. సృష్టి ఎప్పటికీ ఇలాగే ఉంటుంది. అందులో మనుషులు కొంతకాలం మాత్రమే జీవిస్తారని చెప్పే ప్రయత్నమే ఈ సినిమా. శాటిలైట్ హక్కులకు ఫ్యాన్సీ రేటు రావడం సంతోషంగా ఉంది. ఏప్రిల్ లో సినిమాను విడుదల చేయాలనుకుంటున్నాం" అన్నారు.
ఈ చిత్రంలో 'సత్యం' రాజేష్, అశుతోష్ రాణా, ప్రసన్నకుమార్, విద్యుల్లేఖ రామన్, చమ్మక్ చంద్ర, కార్టూనిస్ట్ మల్లిక్, జీవా, రాకెట్ రాఘవ, సి.వి.ఎల్ నరసింహారావు, ఇందు ఆనంద్ ముఖ్య తారాగణం.
ఈ చిత్రానికి మాటలు: వంశీకృష్ణ ఆకెళ్ళ, ఫోటోగ్రఫీ: అనిల్ బండారి, ఎడిటర్: ఉపేంద్ర, మ్యూజిక్: అనూప్ రూబెన్స్, యాక్షన్: డ్రాగన్ ప్రకాష్, కొరియోగ్రఫీ: సుచిత్ర - భాను, ఆర్ట్: చిన్నా, కో-డైరెక్టర్: విజయ్ చుక్కా, పి.ఆర్.ఓ: నాయుడు - ఫణి, నిర్మాతలు: మాధవి అద్దంకి, రజనీకాంత్, రాజ్ కిరణ్, కథ-స్క్రీన్ ప్లే-దర్శకత్వం: రాజ్ కిరణ్.