విజయ్ దేవరకొండ ఆ మాట అనడంతో చాలా హార్ట్ అయ్యా.. అందరి ముందే ఓపెన్ అయిన రాశి ఖన్నా

నలుగురు హీరోయిన్లతో విజయ్ రొమాన్స్

రొమాంటిక్ సన్నివేశాల్లో నటించడంలో తనకంటూ ఓ ప్రత్యేకత ఉందని నిరూపించుకున్నాడు విజయ్ దేవరకొండ. అందుకే ఈ సారి ఆయనతో ఏకంగా నలుగురు హీరోయిన్లను రంగంలోకి దించి రొమాన్స్ చేయించారు డైరెక్టర్ క్రాంతి మాధవ్. ఆయన దర్శకత్వంలో రూపొందిన 'వరల్డ్ ఫేమస్ లవర్' సినిమాలో విజయ్ సరసన నలుగురు అందాల భామలు రొమాన్స్ చేశారు.

విజయ్ దేవరకొండ రొమాంటిక్ కిక్.. యామినితో పాటు

అందులో ఒకరు రాశి ఖన్నా. 'వరల్డ్ ఫేమస్ లవర్' సినిమాలో ఈమె క్యారెక్టర్ పేరు యామిని. ఇక ఈమెతో పాటు ఐశ్వర్యా రాజేష్‌, ఇజా బెల్లా, క్యాథరిన్ త్రెసా కూడా విజయ్ తో రొమాన్స్ పండించారు. ఈ నలుగురి రొమాంటిక్ కిక్ ఎలా ఉండనుందో ఇప్పటికే విడుదలైన టీజర్, పోస్టర్స్ ద్వారా తెలిసింది. ఫిబ్రవరి 14న ఈ మూవీ విడుదల కానుంది.

రాశిఖన్నా అనే కంటే యామిని అనేందుకే..

ఈ నేపథ్యంలో ప్రమోషన్స్ వేగవంతం చేసిన చిత్రయూనిట్.. ఆదివారం రోజు హైదరాబాద్‌లో ప్రీ రిలీజ్ ఈవెంట్‌ను నిర్వహించారు. ఇందులో భాగంగా మాట్లాడిన రాశి ఖన్నా, విజయ్ మాటలకు తాను హర్ట్ అయ్యానని చెప్పింది. ప్రస్తుతం తనను చాలామంది రాశిఖన్నా అనే కంటే యామిని అని పిలవడానికే ఇష్టపడుతున్నారని ఆమె చెప్పింది.

నాకు అదే ఇష్టం.. అందుకే ఆతృతగా ఉంది

'వరల్డ్ ఫేమస్ లవర్' సినిమా గురించి చెప్పాలంటే ముందుగా లవ్ గురించి చెప్పాలి. మీరు లవ్ ఉన్నా లేకపోయినా చూడాల్సిన సినిమా ఇది. లవ్ అనేది అనేది యూనివర్శల్ ఎమోషన్. ఈ సినిమా కేవలం ప్రేమ కోసమే తీసింది. నాకు ప్రేమ కథలు అంటే చాలా ఇష్టం. అందుకే ఈ మూవీ కోసం ఆతృతగా ఎదురు చూస్తున్నానని చెప్పింది రాశి.

విజయ్ మాటలకు చాలా హర్ట్ అయ్యా..

''ఇకపోతే ఇటీవలే జరిగిన వరల్డ్ ఫేమస్ లవర్ ట్రైలర్ లాంఛ్‌ కార్యక్రమంలో.. విజయ్ దేవరకొండ ఇదే తన చివరి లవ్ స్టోరీ అని చెప్పాడు. అంతేకాదు ఇక లవ్ స్టోరీస్ చేయను అని స్టేట్‌మెంట్ ఇచ్చాడు.. ఆ విషయంలో నేను చాలా హర్ట్ అయ్యాను'' అని ఓపెన్‌గా చెప్పేసింది రాశిఖన్నా.

నో.. విజయ్‌ నువ్వు చేయాల్సిందే..

నువ్వు లవ్ స్టోరీస్ చేస్తే చూడాలని ప్రేక్షకుల కోరిక. కానీ నువ్వు అలా మాట్లాడే సరికి నాతో పాటు చాలామంది ఫ్యాన్స్ బాధపడ్డారు అంటూ విజయ్ దేవరకొండను ఉద్దేశిస్తూ మాట్లాడింది రాశిఖన్నా. నో.. విజయ్‌ నువ్వు లవ్ స్టోరీస్ చేయాలి. నేను కూడా లవ్ స్టోరీస్ చేస్తూనే ఉంటానని రాశి సభాముఖంగా చెప్పింది.