‘పైసా వసూల్’ సేఫ్ జోన్లోకి రావాలంటే ఎంత వసూలు చేయాలి?

పైసా వసూల్ చిత్రం గ్రాండ్ గా విడుదలైంది. సినిమాకు ఓపెనింగ్స్ భారీగా వచ్చినట్లు సమాచారం.

By Bojja Kumar

Published: Friday, September 1, 2017, 18:22 [IST]

నందమూరి బాలకృష్ణ, పూరి జగన్నాధ్ కాంబినేషన్లో తెరకెక్కిన 'పైసా వసూల్' చిత్రం శుక్రవారం గ్రాండ్‌గా రిలీజైంది. భారీ అంచనాలతో రిలీజైన ఈ చిత్రం తొలిరోజు అన్ని ఏరియాల్లో హౌస్‌ఫుల్ బోర్డులు దర్శనమిచ్చాయి. సినిమాపై మిక్డ్స్ టాక్ ఉన్నప్పటికీ సినిమాపై క్రేజ్ భారీగా ఉండటంతో వీకెండ్ వరకు కలెక్షన్లు స్టడీగా ఉంటాయని అంచనా వేస్తున్నారు.

సినిమాపై ఉన్న క్రేజ్, తొలి రోజు ఓపెనింగ్స్, పబ్లిక్ టాక్ ఆధారంగా..... సినిమాకు ట్రేడ్ సర్కిల్‌లో ఎంత వసూలు చేస్తే గట్టెక్కుతుంది అనే చర్చ మొదలైంది. సినిమా సేఫ్ జోన్లోకి రావాలంటే, సినిమాను కొన్న డిస్ట్రి బ్యూటర్లు బ్రేక్ ఈవెన్ పాయింటును చేరుకోవాలంటే రూ. 32 కోట్లు వసూలు చేయాలని అంటున్నారు.

సేఫ్ జోన్లో ప్రొడ్యూసర్

ఈ చిత్రాన్ని నిర్మించిన భవ్య క్రియేషన్స్ అధినేత ఇప్పటికే సేఫ్ జోన్లోకి వెళ్లినట్లు సమాచారం. ఈ చిత్రానికి శాటిలైట్ రైట్స్ రూపంలో రూ. 9.5 కోట్లు వచ్చాయని, డబ్బింగ్ రైట్స్, ఇతర రైట్స్ కలిపి రూ. 4 కోట్ల వరకు వచ్చాయని తెలుస్తోంది. సినిమా థియేట్రికల్ రైట్స్ రూ. 32 కోట్లకు అమ్మారు. ఇక సేఫ్ జోన్లోకి రావాల్సింది ఆయా ఏరియాల్లో సినిమాను కొన్న డిస్ట్రిబ్యూటర్లే.

కోస్తా రైట్స్ రూ. 14.1 కోట్లు

‘పైసా వసూల్' చిత్రాన్ని కోస్తా ఏరియాకుగాను రూ. 14.1 కోట్లు అమ్మారు. ఇక్కడి డిస్ట్రిబ్యూటర్ సేఫ్ జోన్లోకి రావాలంటే ఈ చిత్రం అంతకు మించి వసూలు చేయాల్సి ఉంది.