మేజర్

మేజర్ సినిమా 26/11 ముంబై దాడుల్లో త‌న ప్రాణాల‌ను ప‌ణంగా పెట్టి ఎంద‌రో ప్రాణాల‌ను కాపాడిన ఎన్‌.ఎస్‌.జి క‌మెండో మేజ‌ర్ ఉన్నికృష్ణ‌న్ ఇన్‌స్పిరేష‌న్‌తో ఈ సినిమాను తెర‌కెక్కించ‌నున్నారు. ఇందులో అడవి శేష్, శోభితా ధూళిపాల, సాయి మంజ్రేకర్, ప్రకాష్ రాజ్,రేవతి, తదితరులు నటించారు . ఈ సినిమాకి దర్శకత్వం శశికిరణ్ తిక్క వహించారు మరియు సోనీ పిక్చ‌ర్స్ ఇంట‌ర్నేష‌న‌ల్ ప్రొడ‌క్ష‌న్స్, టాలీవుడ్ సూప‌ర్‌స్టార్ మ‌హేష్ బాబు నిర్మాణ సంస్థ జి మ‌హేష్‌బాబు ఎంట‌ర్‌టైన్‌మెంట్ క‌ల‌యిక‌లో `మేజ‌ర్` అనే భారీ చిత్రం రూపొందించారు.  సంగీతం శ్రీ చరణ్ పాకాల అందించారు.  కథ సందీప్ ఉన్నికృష్ణన్ (అడవి శేష్) చిన్నప్పటి నుంచే ఆర్మీలో చేరాలనే కోరికతో ఉంటాడు. దేశం కోసం సేవల చేయాలని తపించి పోతుంటాడు. కానీ ప్రతీ ఇంట్లో తల్లిదండ్రుల మాదిరిగానే వారు మాత్రం డాక్టరో, ఇంజినీరో కావాలని కోరుకొంటారు. కానీ తల్లిదండ్రుల ఇష్టానికి వ్యతిరేకంగా నేవీలో ఉద్యోగానికి దరఖాస్తు చేస్తే రిజెక్ట్ అవుతుంది. ఆ తర్వాత సైన్యంలో ఉద్యోగానికి అప్లై చేసి తన కోరికను తీర్చుకొంటాడు. భారత సైన్యంలో చేరాలని చిన్నప్పటి నుంచి ఎందుకు కలలు కంటాడు? ప్రేయసిగా మారిన భార్యతో సందీప్‌కు ఎలాంటి విభేదాలు ఏర్పడ్డాయి? ముంబై దాడుల నేపథ్యంలో సందీప్ ముష్కరులను మట్టుబెట్టడానికి ఎలాంటి సాహసం చేశాడు? ఏ పరిస్థితుల్లో సందీప్ ఒంటరిగా ముష్కరులపై దాడికి ప్రయత్నించాడు. సైన్యంలో చేరిన సందీప్ జీవితంలో ఎలాంటి సంఘటనలు చోటు చేసుకొన్నాయనే ప్రశ్నలకు సమాధానమే మేజర్ సినిమా కథ.