తొలిప్రేమ

తొలిప్రేమ సినిమా రోమాంటిక్ ఎంటర్టైనర్ చిత్రం ఇందులో వరుణ్ తేజ్, రాశీ ఖన్నా, ప్రయదర్షి, సప్న పబ్బి, సుహాసిని, విద్యుల్లేఖా రామన్ తదితరులు నటించారు. ఈ సినిమాకి దర్శకత్వం వెంకీ అట్లూరి వహించారు మరియు నిర్మాత బీవీఎస్ ఎన్ ప్రసాద్ నిర్మించారు. ఈ చిత్రానికి సంగీతం తమన్ ఎస్ స్వరాలు సమకుర్చరు.  కథ ఆదిత్య శేఖర్ (వరుణ్ తేజ్) మనసుకు నచ్చింది చేసే ముక్కుసూటి మనస్తత్వం ఉన్న యువకుడు. ట్రైయిన్‌లో వర్ష (రాశీఖన్నా) తారసపడిన మరుక్షణమే తొలి ప్రేమలో పడిపోతాడు. ఆ తర్వాత ఇద్దరు ఒకే కాలేజీలో చేరుతారు. అంతా సవ్యంగా జరిగిపోతున్న సమయంలో ఓ కారణంగా వారిద్దరూ విడిపోతారు. ఆ తర్వాత ఆరేళ్లకు లండన్‌లో కలుసుకొంటారు. ఎంతో గాఢంగా ప్రేమించుకొన్న ఆదిత్య, వర్ష విడిపోవడానికి బలమైన కారణమేమిటి? పీకల్లోతు కోపంతో ఉన్న ఆదిత్య వర్ష మళ్లీ కలుసుకొన్న తర్వాత ఎలా రియాక్ట్ అయ్యాడు? వారి మధ్య విభేదాలు, కోపతాపాలు తగ్గి మళ్లీ ఒక్కటైపోవడానికి ఎలాంటి పరిస్థితులు, సంఘటనలు వారి జీవితంలో చోటుచేసుకొన్నాయి. ఆదిత్యపై ప్రేమను రుజువు చేసుకోవడానికి వర్ష ఏ విధంగా స్పందించింది. వర్షపై తనకు ఉన్న కోపాన్ని తగ్గించుకోవడానికి ఆదిత్య ఏమి చేశాడు అనే ప్రశ్నలకు సమాధానమే తొలిప్రేమ కథ.