మల్లికా షెరావత్ మీద దాడి: టియర్ గ్యాస్ స్ప్రే చేసి కొట్టారు....

By Bojja Kumar

Published: Thursday, November 17, 2016, 19:06 [IST]

పారిస్: బాలీవుడ్ నటి మల్లికా షెరావత్ మీద పారిస్ లో దాడి జరిగింది. మాస్కులు ధరించిన కొందరు గుర్తుతెలియని వ్యక్తులు ఆమెపై టియర్ గ్యాస్ ప్రయోగించి... భౌతికంగా దాడి చేసి కొట్టారు. పారిస్ మల్లిక నివాసం ఉండే సొంత అపార్టుమెంట్ ఈ సంఘటన చోటు చేసుకుంది.

గత శుక్రవారం రాత్రి 9.30 గంటల సమయంలో ఈ దాడి జరిగింది. సంఘటన జరిగిన సమయంలో ఆమె ప్రియుడు టైకూన్ సైరిల్లే అగ్జెన్ఫ్యాన్‌ పక్కనే ఎన్నాడు. వీరిపై టియర్ గ్యాస్ స్ప్రే చేసి దాడికి పాల్పడ్డారు.

దాడి చేసి పారిపోయారు

దాడి చేసిన అనంతరం దుండగులు పారిపోయారు. మల్లిక వెంటనే తన స్నేహితులకు ఫోన్ చేసి జరిగిన విషయం చెప్పడంతో వారు అక్కడికి వచ్చారు. మల్లిక ఫిర్యాదు మేరకు కేసు నమోదు చేసిన పోలీసులు దుండగుల కోసం గాలిస్తున్నారు.

కిమ్ కర్దాషియాన్ మీద కూడా

హాలీవుడ్ టీవీ రియాల్టీ స్టార్ కిమ్ కర్దాషియాన్ మీద కూడా ఇటీవల పారిస్ లో రాబరీ జరిగింది. అపుడు దుండగులు డబ్బు, నగలు ఎత్తుకెళ్లారు. కిమ్ ఫ్లాట్ పక్కనే మల్లిక ఫ్లాట్ కూడా ఉంది. వారు వచ్చింది కూడా మళ్లీ రాబరీ చేయడానికే అని అనుమానిస్తున్నారు.