Prathyusha Unknown Facts: జీవితంలో చీకటి కోణాలు.. పూరీ జగన్నాథ్, రవితేజ మూవీని ఎందుకు రిజెక్ట్ చేసిందంటే..

మిస్ లవ్లీ స్మైల్‌గా

తెలంగాణలోని భువనగిరిలో పుట్టిన ప్రత్యూష ఆ తర్వాత హైదరాబాద్‌లో ఉన్నత చదువులు పూర్తి చేసుకొన్నది. ఆ తర్వాత టెలివిజన్ స్టార్ 2000 అనే కాంటెస్ట్‌లో పాల్గొన్నారు. ఆ పోటీలో మిస్ లవ్లీ స్మైల్ అనే కేటగిరిలో విజేతగా నిలిచింది. ఆ షో ద్వారా సినీ వర్గాల దృష్టిలో పడిన ప్రత్యూష సినిమా ఇండస్ట్రీలోకి ప్రవేశించింది.

మోహన్ బాబు రాయుడు చిత్రంతో

ప్రత్యూష నట జీవితం డైలాగ్ కింగ్ మోహన్ బాబు చిత్రంతో ప్రారంభమైంది. మోహన్ బాబు హీరోగా రూపొందిన రాయుడు చిత్రంతో టాలీవుడ్‌లోకి అడుగుపెట్టింది. ఆ తర్వాత శ్రీరాములయ్య, సముద్రం, ఇది ఏమీ ఊరు రా బాబు, కలుసుకోవాలని లాంటి తెలుగు చిత్రాల్లో నటించింది. సినీ రంగంలోకి ప్రవేశించిన తక్కువ సమయంలోనే ప్రముఖులు, క్రిటిక్స్, అభిమానుల ప్రశంసలు అందుకొన్నది.

తమిళ చిత్ర పరిశ్రమలో హల్‌చల్

ప్రత్యూష కేవలం తెలుగు పరిశ్రమకే పరిమితం కాలేదు. పుంగోడి అనే తమిళ చిత్రంతో కోలీవుడ్‌లోకి ప్రవేశించింది. ఆ తర్వాత సూపర్ కుటుంబం, పొన్నా నేరం, తవాసీ, కడై పూక్కల్, సౌండ్ పార్టీ లాంటి తమిళ చిత్రాల్లో నటించింది. తన మరణానికి ముందు కన్నడ సినిమాలో నటించడానికి అంగీకరించింది. దురదృష్టవశాత్తు ఆమె ఈ లోకం నుంచి వెళ్లిపోవడంతో గొప్పగా ఉంటుందని భావించిన ఆమె కెరీర్‌కు అర్ధాంతరంగా తెరపడింది.

ప్రత్యూష మరణం వెనుక అనుమానాలు

సినీ రంగంలో సక్సెస్ గ్రాఫ్ రివ్వును ఎగిరిపోతున్న సమయంలోనే సిద్దార్థ్ రెడ్డి అనే యువకుడితో ప్రేమలో పడింది. అయితే ఇంట్లో పెళ్లికి ఒప్పుకోకపోవడంతో ప్రత్యూష, సిద్దార్థ్ ఆత్మహత్యకు ప్రయత్నించారు. ఈ ఘటనలో ప్రత్యూష మరణించగా, సిద్దార్థ్ ప్రాణాలతో బయటపడ్డారు. అయితే ప్రత్యూష మరణం వెనుక అనేక అనుమానాలు ఇప్పటికీ వ్యక్తం అవుతున్నాయి.

ప్రత్యూష మరణంపై తల్లి ఆవేదన

అయితే తన కుమార్తెది హత్యే అంటూ ప్రత్యూష తల్లి సరోజిని దేవీ ఆరోపిస్తుంటారు. ఇప్పటికీ తన కుమార్తె మరణంపై నిజాలు బయటపెట్టాలని న్యాయపోరాటం చేస్తూనే ఉన్నారు. అయినా ప్రత్యూష మరణంపై అనేక సందేహాలు తలెత్తుతూనే ఉన్నాయి. పలుమార్లు టెలివిజన్ ఛానెల్స్‌లో సరోజిని దేవీ పలువురు రాజకీయ నేతలపై ఆరోపణలు చేశారు.

ప్రత్యూష మరణానికి ముందు

ఇదిలా ఉంటే.. తన మరణానికి ముందు భారీ ప్రాజెక్టులు, అగ్ర నటుల చిత్రాల్లో నటించమని ఆఫర్లు వచ్చాయి. అప్పుడప్పుడే దర్శకుడిగా గుర్తింపు పొందుతున్న పూరీ జగన్నాథ్, రవితేజ కలిసి రూపొందించే ఇట్లు శ్రావణి సుబ్రహ్మణ్యం చిత్రంలో హీరోయిన్‌గా ఎంపికైంది. రవితేజ, ప్రత్యూష మధ్య ఫోటో సెషన్ కూడా చేశారు. అందరూ ప్రత్యూషే హీరోయిన్ అనుకొన్నారు.

పూరీ జగన్నాథ్ మూవీలో

కానీ అదే సమయంలో తమిళ చిత్రంలో ఒక మంచి అవకాశం రావడంతో ఇట్లు శ్రావణి సుబ్రహ్మణ్యం సినిమాను ప్రత్యూష వదులుకొన్నది. దాంతో పూరి జగన్నాథ్ సినిమాలో నటించే అవకాశాన్ని ఆమె జారవిడుచుకొన్నారు. ప్రత్యూషకు వచ్చిన ఆఫర్‌ను తనురాయ్ దక్కించుకొన్నారు. ఇట్లు శ్రావణి సుబ్రహ్మణ్యం విడుదలై సంచలన విజయం సాధించింది. రవితేజ, పూరీ జగన్నాథ్‌కు మరింత పేరు తెచ్చిపెట్టింది.

Recommended Video

Parari Movie Official Motion Poster || Filmibeat Telugu

పవన్ కల్యాణ్, ప్రత్యూష ఇద్దరూ మిస్

ఇట్లు శ్రావణి సుబ్రహ్మణ్యం సినిమా విషయానికి వస్తే.. వాస్తవానికి కథను ముందుగా పూరీ జగన్నాథ్ పవర్ స్టార్ పవన్ కల్యాణ్‌కు చెప్పారట. అయితే ఆ సినిమా పవన్ చేయకపోవడంతో రవితేజతో చేయడానికి పూరీ జగన్నాథ్ ఫిక్స్ అయిపోయారు. అలా రవితేజ స్టార్ హీరో అవ్వడానికి పవన్ కల్యాణ్ పరోక్షంగా దోహదపడ్డారు. ఈ సినిమాను అటు ప్రత్యూష, పవన్ కల్యాణ్ వదులుకోవడంతో రవితేజ, తనురాయ్ ఇండస్ట్రీలో బాగా సెటిల్ అయ్యారని సినీ వర్గాలు అంటాయి.

బాలీవుడ్, దక్షిణాది సినిమాకు సంబంధించిన తాజా వార్తలకు, తారల ఇంటర్యూలకు, ఫోటోగ్యాలరీలు, సినిమా ఈవెంట్లు, వివాదాస్పద అంశాలకు సంంధించిన వార్తా విశ్లేషణలకు ఫేస్‌బుక్, ట్విట్టర్ , ఇన్స్‌టాగ్రామ్ అకౌంట్లను ఫాలో అవ్వండి.