సినీ దర్శకుడుగా మహేష్ బాబు‌?

మహేష్ బాబు త్వరలో దర్శకుడుగా యాక్షన్,కట్ చెప్పబోతున్నాడని తెలుస్తోంది.అయితే అది కేవలం సినిమాలో నటనవరకే నని తెలుస్తోంది.ప్రస్తుతం శ్రీను వైట్ల కాంబినేషన్‌లో రూపొందుతోన్న 'దూకుడు'లో ఈ పాత్ర ఉంటుందని చెప్తున్నారు.అలాగే పోలీస్‌ అధికారిగా, దొంగగా కూడా మహేష్ కనిపించి కామిడి చేయబోతున్నాడని చెప్తున్నారు.అంతేగాక చిత్రంలో పలు రాజకీయ అంశాలను కూడా జోడిస్తున్నట్లు తెలుస్తోంది.ఈ చిత్రం విజయంపై నిర్మాత అనిల్ సుంకర చాలా కాన్ఫిడెంట్ గా ఉన్నారు.ఆయన ఈ చిత్రం గురించి చెబుతూ..అలాగే శ్రీను వైట్ల టైమింగ్, మహేష్ టైమింగ్ కలిస్తే 'దూకుడు". టైటిల్‌కి తగ్గట్టుగా సినిమా ఉంటుంది. ఇందులో మహేష్ నట విశ్వరూపాన్ని చూస్తారు.ఏదిఏమైనా అద్భుతం అనిపించేలా ఈ సినిమాను తీర్చిదిద్దుతున్నారు శ్రీనువైట్ల. రెండు పాటలు మినహా సినిమా పూర్తయింది. త్వరలోనే విడుదల తేదీని ప్రకటిస్తాం అని చెప్పారు. ఈ చిత్రంలో ప్రకాష్‌రాజ్‌, బ్రహ్మానందం, కోట శ్రీనివాసరావు, సోను సూద్‌, సాయాజీ షిండే, నాజర్‌, తనికెళ్ల భరణి, చంద్రమోహన్‌, మాస్టర్‌ భరత్‌, సురేఖావాణి, సుధ, వినయప్రసాద్‌ తదితరులు నటిస్తున్నారు. ఛాయాగ్రహణం: కె.వి.గుహన్‌, రచన: గోపి మోహన్‌, కోన వెంకట్‌, సమర్పణ: జి.రమేష్‌బాబు.