ఎన్టీఆర్-బన్నీ కాంబినేషన్లో..... పూరి భారీ మల్టీ స్టారర్?

పూరి జగన్నాథ్ ఆ ఇద్దరు హీరోలకు వినిపించాడని... కథ విన్న తర్వాత అటు ఎన్టీఆర్, ఇటు బన్నీ కూడా ఇంప్రెస్ అయ్యారని, వారి నుండి గ్రీన్ సిగ్నల్ వస్తే అపీషియల్ ప్రకటన రాబోతోందని సమాచారం.

By Bojja Kumar

Published: Saturday, November 19, 2016, 13:05 [IST]

హైదరాబాద్: ఈ మధ్య కాలంలో తెలుగులో మల్టీ స్టారర్ సినిమాలకు డిమాండ్ బాగా పెరిగింది. టాప్ రేంజిలో ఉన్న ఇద్దరు పెద్ద స్టార్లు, ఓ స్టార్ డైరెక్టర్ తోడైతే.... ఈ కాంబినేషన్‌కు భలే క్రేజ్ వస్తుంది. ఆ దిశగా ఆలోచన చేస్తున్న పూరి జగన్నాథ్... త్వరలో టాలీవుడ్ మొత్తాన్ని ఆశ్చపరిచే కాంబినేషన్లో సినిమా తీసేందుకు ప్లాన్ చేస్తున్నాడట.

మెగా ఫ్యామిలీ, నందమూరి ఫ్యామిలీ.... టాలీవుడ్ సినీ పరిశ్రమలో వీరికి ఉన్నంత ఫ్యాన్ ఫాలోయింగ్ మరే ఫ్యామిలీకి లేదంటే అతిశయోక్తి కాదేమో. మరి ఈ రెండు ఫ్యామిలీల హీరోలను కలుపుతూ సినిమా తీస్తే, అదిరిపోయే కాంబినేషన్ తో పాటు మంచి కథను ఎంచుకుంటే బాక్సాఫీసు రికార్డులను బద్దలు కొట్టడం ఖాయం.

బన్నీ-ఎన్టీఆర్ కాంబో

దర్శకుడు పూరి బన్నీతో దేశ ముదురు, ఇద్దరమ్మాయిలతో సినిమాలు చేసారు. అదే విధంగా ఎన్టీఆర్ తో ఆంధ్రావాలా, టెంపర్ చిత్రాలు చేసారు. ఇపుడు ఈ ఇద్దరు హీరోలతో ఓ భారీ మల్టీ స్టారర్ చేసేందుకు ప్లాన్ చేస్తున్నాడట.

ఇద్దరికీ కథ చెప్పాడు

ఇటీవల తన మనసులో ఉన్న ఆలోచనను, తన వద్ద ఉన్న కథను పూరి జగన్నాథ్ ఆ ఇద్దరు హీరోలకు వినిపించాడని... కథ విన్న తర్వాత అటు ఎన్టీఆర్, ఇటు బన్నీ కూడా ఇంప్రెస్ అయ్యారని, ఇద్దరి నుండి గ్రీన్ సిగ్నల్ వచ్చిన వెంటనే సినిమా విషయమై అపీషియల్ ప్రకటన రాబోతోందని సమాచారం.

భారీ బడ్జెట్

ఇద్దరూ టాప్ రేంజిలో ఉన్న హీరోలే... భారీ రెమ్యూనరేషన్ తీసుకునే స్టార్సే. దర్శకుడు పూరి కూడా బాగానే చార్చ్ చేస్తాడు. ఈ నేపథ్యంలో ఈ సినిమాకు భారీ బడ్జెట్ అవసరం అవుతుంది. మరి ఈ ముగ్గురి రెమ్యూనరేషన్ తో పాటు సినిమాకు భారీగా ఖర్చు పెట్టే అవకాశం ఏ నిర్మాత దక్కించుకుంటారో చూడాలి.