Don't Miss!
- Automobiles విమానంలో ప్రేమ కావ్యం.. అద్భుతమైన సన్నివేశానికి ఫిదా అవుతున్న నెటిజన్లు
- Finance Uday Kotak: కోటక్ బ్యాంక్ స్టాక్ క్రాష్.. పాపం ఉదయ్ కోటక్.. ఎంత నష్టపోయారంటే..
- Sports కోహ్లి.. అసలు ఇదేం బ్యాటింగ్- సునీల్ గవాస్కర్
- News రేవంత్ రెడ్డి సీటుకు భలే డిమాండ్
- Lifestyle ఈ 4 రాశుల వారు ఎల్లప్పుడూ ఇతరులకు రహస్య శ్రేయోభిలాషులు..
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
రూ. 1000 కోట్ల ఆస్తి ఉంది... హీరో సంచలన ప్రకటన!
సౌత్ సినిమా పరిశ్రమలోని హీరోల్లో తమిళ స్టార్ శింబు తరచూ ఏదో ఒక కాంట్రవర్సీతో వార్తల్లో ఉంటారు. హీరోయిన్లతో ఎఫైర్లు, నిర్మాతలను ఇబ్బందులకు గురి చేయడం, తోటి తమిళ హీరోలతో గొడవలు పడుతూ రచ్చకెక్కడం లాంటివి గతంలో చూశాం. శింబు సరైన సమయానికి షూటింగుకు వెళ్లక నష్టపోయిన ఫిల్మ్ మేకర్స్ చాలా మందే ఉన్నారు. కొందరైతే ఆయనతో సినిమా అంటేనే భయపడి పారిపోయే పరిస్థితి. చివరకు శింబుతో క్లోజ్గా ఉండే గౌతమ్ మీనన్, అదిక్ రవిచంద్రన్, పాండిరాజ్ లాంటి వారు సైతం అతడి లేజీనెస్ మీద ఎన్నోసార్లు విమర్శలు చేశారు.
మూడు సినిమాలు ప్రకటించడంతో షాక్
తాజాగా శింబు పిఆర్ టీమ్ అతడు చేయబోయే నెక్ట్స్ 3 సినిమాలు ప్రకటించారు. ఒక్క సినిమానే అనుకున్న సమయానికి పూర్తి చేయలేని శింబు... ఒకేసారి మూడు సినిమాలు అనౌన్స్ చేయడంపై విమర్శలు వచ్చాయి.
ప్రెస్ నోట్ విడుదల చేసిన శింబు
ఒకేసారి మూడు సినిమాలు ప్రకటించడంపై చాలా మంది నుండి కౌంటర్స్ రావడం.... లేజీ ఫెల్లో అంటూ పలువురు విమర్శలు చేయడంతో వారికి సమాధానంగా శింబు ఒక ప్రెస్ నోట్ విడుదల చేశారు. అందులో పలు ఆసక్తికర విషయాలు చెప్పుకొచ్చారు.
రోబోలా బ్రతకడం నాకు చేతకాదు
‘మా నాన్నతో నా తొలి సినిమా చేసినప్పటి నుండే నేను షూటింగుకు ఉదయం 10 గంటలకు వచ్చేవాడిని. ఇది నా నిర్లక్ష్యం కాదు... ముందు నుండీ నాకు ఇదే అలవాటు, ఎంతో కంఫర్టబుల్ లైఫ్ నాది, అలాగే ఉండటానికి ఇష్టపడతాను, రోబోలా బ్రతకడం నా వల్లకాదు.... అని శింబు వెల్లడించారు.
1000 కోట్ల ఆస్తి ఉంది
మా తల్లిదండ్రుల డబ్బుతో కాకుండా సొంతగా నేను సంపాదించుకుని సంతోషంగా ఉన్నాను. బహిరంగంగా చెబుతున్నాను నాకు రూ. 1000 కోట్ల ఆస్తి ఉంది. అందుకే నేను మరింత సంతోషంగా జీవించాలని అనుకుంటున్నాను, కానీ కొందరు ఈ విషయాన్ని అర్థం చేసుకోవడం లేదు అని శింబు తెలిపారు.
సినిమాలంటే ఇష్టం
నాకు సినిమాలంటే ఎంతో ఇష్టం. నాకు తెలిసింది కూడా ఇది ఒక్కటే. స్వార్థపరుడిగా ఉండాలనే ఇంటెన్షన్ నాకు ఏమీ లేదు. నేను చేసే పనులు కొందరిని బాధించవచ్చు. దీన్ని మార్చుకోవడానికి నేను ప్రయత్నిస్తున్నాను అని శింబు తన ప్రెస్ స్టేట్మెంటులో వెల్లడించారు.