బిగ్‌బాస్‌లో హాట్‌ హాట్‌గా జస్లీన్.. రెడ్ బికినీలో కేక.. ముసలోడిపై ముద్దుల వర్షం!

జలోటాపై ముద్దుల వర్షం

బిగ్‌బాస్ ఇంటిలో అనూప్ జలోటాపై జస్లీన్ ముద్దుల వర్షం కురిపిస్తున్నది. ఇటీవల జలోటా బుగ్గలపై ముద్దు పెట్టుకోవడం, అలాగే నుదుటిపై ప్రేమగా కిస్ పెట్టడంతో ఇంటి సభ్యులు చూసి నిర్ఘాంతపోయారు. ఆ షాక్ నుంచి తేరుకోవడానికి చాలా సమయమే పట్టింది. జలోటా, జస్లీన్ రొమాన్స్ ఇంటి సభ్యల్లో చర్చకు దారి తీసింది.

హార్ట్ బీట్ పెంచిన జస్లీన్

ఇదిలా కొనసాగుతుండగా జస్లీన్ ఇంటి సభ్యుల హార్ట్ బీట్‌ను పెంచింది. రెడ్ బికినీ ధరించి స్విమ్మింగ్ పూల్‌లో దిగడం కేకపెట్టించింది. ఆమెతోపాటు మగ సెలబ్రిటీలు పూల్‌లో దూకారు. ఆమెతో జలకాలడుతూ ఎంజాయ్ చేయగా.. కొందరు స్విమ్మింగ్ పూల్ వద్ద నిలబడి చోద్యం చూశారు.

అనూప్ జలోటా ఇంటి నుంచి బయటకు

ఇదిలా ఉండగా.. త్వరలోనే అనూప్ జలోటా ఇంటి నుంచి నిష్క్రమించనున్నారనే వార్తలు జోరందుకొన్నాయి. ఎందుకంటే జలోటా అక్టోబర్ 27న అమెరికాలోని కాలిఫోర్నియాలో భజన కచేరి లైవ్ ఉంది. ఇప్పటికే వాటి టికెట్ల అమ్మకాలు కూడా పూర్తయ్యాయి. కాబట్టి ఆయన ఇంటి నుంచి బయటకు వెళ్లడం ఖాయమనే మాట బలంగా వినిపిస్తున్నది.

నెలరోజులే ఉంటాను

బిగ్‌బాస్‌కు వెళ్లక ముందే మీడియాకిచ్చిన ఇంటర్వ్యూలో అనూప్ జలోటా మాట్లాడుతూ.. నా సంగీత కచేరిలో వరుసగా ఉన్నాయి. బిగ్‌బాస్ ఇంటి నుంచి త్వరలోనే బయటకు వస్తాను. ఎక్కువగా అంటే ఓ నెల రోజులు ఉంటానేమో. ఇంటిలో అనుభవాన్ని, అనుభూతిని పొందాలనుకొంటన్నాను అని చెప్పారు. ఈ నేపథ్యంలో ఆయన ఎప్పుడు ఎలిమినేట్ అవుతారో వేచి చూడాల్సిందే.