ఇండియాను డివైడ్ చేయాలంటే ఆ సినిమా.. ఏకం చేయాలంటే RRR.. కౌంటర్ ఇచ్చిన సీతక్క

స్ట్రాంగ్ ఓపెనింగ్స్

దర్శక ధీరుడు రాజమౌళి భారీ బడ్జెట్ తో తెరకెక్కించిన బిగ్గెస్ట్ పాన్ ఇండియా మూవీ త్రిబుల్ ఆర్ గత శుక్రవారం ప్రేక్షకుల ముందుకు వచ్చింది. ఈ సినిమా మొదటి రోజు బాహుబలి సినిమా రికార్డులను బ్రేక్ చేసి అత్యధిక ఓపెనింగ్స్ సాధించిన సినిమాగా గుర్తింపును అందుకుంది. జూనియర్ ఎన్టీఆర్ స్థాయి కూడా ఈ సినిమాతో ఒక్కసారిగా పెరిగిపోయింది. ప్రస్తుతం చాలా మంది ప్రముఖులు ఈ సినిమాను థియేటర్స్ కు వెళ్లి సాదారణ జనాలతో కలిసి వీక్షిస్తున్నారు.

RRR సినిమాను చూసిన సీతక్క

సీనియర్ కంగ్రెస్ నాయకురాలు, మాజీ నక్సలైట్, ములుగు ఎమ్మెల్యే సీతక్క కూడా RRR సినిమాను సాధారణ జనాలతో ప్రత్యేకంగా వీక్షించి తనదైన శైలిలో ప్రశంసలు కురిపించారు. అంతేకాకుండా ఆమె ఇటీవల వివాదాస్పదంగా మారుతున్న ఒక సినిమాపై కూడా ఎవరూ ఊహించని విధంగా స్పందించడం హాట్ టాపిక్ గా మారింది.

ది కాశ్మీర్ ఫైల్స్..

గత కొన్ని వారాలుగా ది కాశ్మీర్ ఫైల్స్ అనే సినిమా ఏ స్థాయిలో వైరల్ అయ్యిందో ప్రత్యేకంగా చెప్పనవసరం లేదు. అయితే ఆ సినిమా కూడా బాక్సాఫీస్ వద్ద భారీ స్థాయిలో కలెక్షన్స్ అందుకుంది. కాశ్మీర్లో హిందూ పండితుల పై జరిగిన దాడులను ఆధారంగా చేసుకొని తెరకెక్కించిన ఆ సినిమా పై పలువురు ప్రతిపక్ష పార్టీ నేతలు తీవ్రంగా ఖండిస్తున్నారు. అదే తరహాలో సీతక్క కూడా సోషల్ మీడియా లో తనదైన శైలిలో వివరణ ఇచ్చారు.

ఏకం చేయాలంటే RRR చూడాలి

కలిసి ఉన్న దేశాన్ని విభజించాలి అంటే ది కాశ్మీర్ ఫైల్స్ సినిమా చూడాలి అని.. ఇక అందరినీ ఏకం చేయాలి అంటే RRR సినిమాను చూడాలి అని ఎమ్మెల్యే సీతక్క సోషల్ మీడియాలో స్పందించారు. అంతేకాకుండా RRR లాంటి సినిమాకు కూడా దేశవ్యాప్తంగా పన్ను మినహాయింపు కల్పించాలి అని అన్నారు.

Recommended Video

Kollywood Directors కి తలనొప్పిగా మారిన Rajamouli | RRR Movie | Filmibeat Telugu

అద్భుతమైన నటన అంటూ..

ఇక ఈ సినిమాతో మంచి విజయాన్ని సొంతం చేసుకున్న చిత్ర యూనిట్ సభ్యులను కూడా ఆమె ప్రత్యేకంగా సోషల్ మీడియాలో అభినందించారు. డైరెక్టర్ రాజమౌళి కి కూడా ప్రత్యేకంగా శుభాకాంక్షలు తెలిపిన ఎమ్మెల్యే సీతక్క మన సోదరులు రామ్ చరణ్ తేజ జూనియర్ ఎన్టీఆర్ కూడా అద్భుతమైన నటనతో ఆశ్చర్యపరిచారు అని ఆమె వివరణ ఇచ్చారు. తప్పకుండా ఇలాంటి సినిమాలతో జనాలలో ఒక మంచి స్ఫూర్తి నింపవచ్చు అని కూడా ఆమె సినిమా చూసిన అనంతరం తెలియజేశారు.