18 పేజెస్

18 పేజెస్ సినిమా రొమాంటిక్ ఎంటర్టైనర్ చిత్రం ఇందులో నిఖిల్ సిద్ధార్థ, అనుపమా పరమేశ్వరన్, సరయు, దినేష్ తేజ్, అజయ్ తదితరులు నటించారు. ఈ సినిమాకి దర్శకత్వం సూర్య ప్రతాప్ వహించారు. బన్ని వాసు నిర్మించారు. ఈ చిత్రానికి సంగీతం గోపి సుందర్ అందించారు.  కథ సిద్ధూ అలియాస్ సిద్దార్థ్ (నిఖిల్ సిద్దార్థ్) సాఫ్ట్‌వేర్ ప్రొఫెషనల్. సోషల్ మీడియా మత్తులో పడిపోయి.. దైనందిక జీవితం విషయంలో గాడి తప్పిన యువకుడు. విలాసవంతమైన జీవితం, ఖరీదైన దుస్తులు, ఎలక్ట్రానిక్ వస్తువుల మోజులో పడి మనుషులకు దూరంగా బతుకుతుంటాడు. ఇలాంటి జీవితంలో ఓ అమ్మాయి చీట్ చేయడంతో సిద్దూకు బ్రేకప్ అవుతుంది. ఆ క్రమంలో మద్యానికి బానిసై జీవితాన్ని అస్తవ్యస్థంగా గడుపుతున్న సమయంలో నందిని (అనుపమ పరమేశ్వరన్) అనే అమ్మాయి డైరీ దొరుకుతుంది. ఆ డైరీలో 18 పేజీల తర్వాత ఖాళీగా ఉండటంతో నందిని కలుసుకోవాలనే ఆసక్తి పెరుగుతుంది. అలా నందిని వెతికేందుకు సిద్దూ బయలుదేరుతాడు. సిద్దూ జీవితంలో జరిగిన బ్రేకప్ ఎలాంటి పరిస్థితులకు దారి తీసింది. నందిని రాసిన డైరీని చదివిన తర్వాత సిద్దూ జీవితంలో ఎలాంటి మార్పులు సంభవించాయి? నందిని కోసం ఆమె ఊరికి వెళ్లిని సిద్దూకు తెలిసిన భయంకరనమైన విషయం ఏమిటి? నందిని వద్ద ఉన్న ఓ కవర్‌కు సంబంధించిన ట్విస్టు ఏమిటి? నందిని మరణించిందనే వార్తతో సిద్దూ ఏమైపోయాడు? అసలు నందిని మరణించిందా? నందిని మరణించకపోతే సిద్దూ ఆమెను కలుసుకొన్నాడా? డైరీ చదివిన తర్వాత కలిగిన ప్రేమను నందినికి వ్యక్తపరిచాడా? అనే ప్రశ్నలకు సమాధానమే 18 పేజేస్ సినిమా కథ.