»   » చరణ్, వెంకీ మల్టీస్టారర్...‌నో చెప్పిన సూపర్ స్టార్

చరణ్, వెంకీ మల్టీస్టారర్...‌నో చెప్పిన సూపర్ స్టార్

Posted By:
Subscribe to Filmibeat Telugu
హైదరాబాద్: విక్టరీ వెంకటేష్, మెగా పవర్ స్టార్ రామ్ చరణ్ కాంబినేషన్లో త్వరలో తెలుగులో మరో భారీ మల్టీ స్టారర్ సినిమా తెరరెక్కబోతున్న సంగతి తెలిసిందే. క్రియేటివ్ దర్శకుడు కృష్ణ వంశీ ఈ చిత్రాన్ని రూపొందించబోతున్నారు. ఈ చిత్రంలో సూపర్ స్టార్ కృష్ణ కూడా ఓ ముఖ్య పాత్రలో నటించబోతున్నట్లు ఆమధ్య వార్తలొచ్చాయి.

ఈ మూవీ కథతో దర్శకుడు కృష్ణ వంశీ సూపర్ స్టార్ కృష్ణను సంప్రదించినపుడు....కథ విని ఆయన ఎంతో ఉత్తేజ పడ్డాడని, అయితే వయసు 70 దాడటంతో చేయడం నా వల్ల కాదంటూ సున్నితంగా తిరస్కరించారని తెలుస్తోంది. దీంతో ఆయన లేకుండానే ఈ మల్టీ స్టారర్ సినిమాను ప్లాన్ చేసుకుంటున్నారట కృష్ణ వంశీ. ఈ చిత్రాన్ని నిర్మాత బండ్ల గణేష్ పరమేశ్వర ఆర్ట్స్ పతాకంపై నిర్మించనున్నారు.

ఇతర వివరాల్లోకి వెళితే..తాజాగా ఫిల్మ్ నగర్ నుంచి అందుతున్న సమాచారం ప్రకారం ఈచిత్రంలో హీరో హీరోయిన్లుగా నయనతార, కాజల్ అగర్వాల్‌ను తీసుకునే ఆలోచనలో ఉన్నారట. గతంలో వెంకీ-నయతార లక్ష్మి, తులసి చిత్రాల్లో నటించారు. రామ్ చరణ్-కాజల్ మగధీర, నాయక్ చిత్రాల్లో నటించారు. వీరి మధ్య ఆయా చిత్రాల్లో కెమిస్ట్రీ బాగా వర్కౌట్ అయింది. ఈ నేపథ్యంలో వారిద్దరినీ హీరోయిన్లుగా తీసుకునే ఆలోచనలో ఉన్నట్లు ప్రచారం జరుగుతోంది.

ప్రస్తుతం టాలీవుడ్లో స్టార్ హీరోల మల్టీ స్టారర్ల ట్రెండ్ ఊపందుకుంది. ఇప్పటికే వెంకటేష్-మహేష్ బాబు మల్టీ స్టారర్‌గా వచ్చిన 'సీతమ్మ వాకిట్లో సిరిమల్లె చెట్టు' చిత్రం మంచి విజయం సాధించింది. మరో వైపు వెంకటేష్-రామ్ మల్టీ స్టారర్ కూడా తెరకెక్కుతోంది. ఇప్పుడు వెంకటేష్-రామ్ చరణ్ మల్టీ స్టారర్ కూడా ఫైనలైజ్ అయింది. వెంకటేష్ తనకోసం ఇలాంటి మల్టీస్టారర్ స్టోరీలు అడిగి మరీ తయారు చేయించుకుని, యంగ్ హీరోలతో చేయడానికి ప్రయత్నిస్తున్నాడని ఫిల్మ్ నగర్ టాక్.

English summary

 Super star Krishna was excited with the script narrated by Krishna Vamsi's multistarer movie starring Ram Charan and Venkatesh, but turned down the offer since he says his body in 70s is not going to support him to act further.
Please Wait while comments are loading...