Don't Miss!
- News కర్ణాటకలో నేడు పోలింగ్ జరిగే లోక్సభ నియోజకవర్గాలు ఇవే
- Sports SRH vs RCB: హమ్మయ్యా.. ప్రశాంతంగా పడుకుంటాం! ఆ గ్రౌండ్తోనే మాకు ఇబ్బంది: ఫాఫ్ డుప్లెసిస్
- Lifestyle ఈ 4 రాశుల వారు ఎల్లప్పుడూ ఇతరులకు రహస్య శ్రేయోభిలాషులు..
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
భయానకంగా.... ప్రభుదేవా ‘మెర్క్యూరీ’ అఫీషియల్ ట్రైలర్
ప్రభుదేవా ప్రధాన పాత్రలో 'మెర్య్కూరీ' అనే సైలెంట్ మూవీ తెరకెక్కుతున్న సంగతి తెలిసిందే. తమిళ డైరెక్టర్ కార్తీక్ సుబ్బరాజు దర్శకత్వం వహిస్తున్న ఈ చిత్రం అఫీషియల్ ట్రైలర్ సోమవారం విడుదల చేశారు. ఈ ట్రైలర్ భయానకంగా ఉంది. సినిమాలో ఎలాంటి మాటలు ఉండవు అయినా ప్రేక్షకులు భయం ఫీలయ్యేలా రూపొందించడమే దీని ప్రత్యేకత.
అప్పట్లో కమల్ హాసన్ హీరోగా సింగితం శ్రీనివాస్ దర్శకత్వంలో 'పుష్కక విమానం' అనే మూవీ సినిమా వచ్చింది. ఆ మూవీ భారతీయ ప్రేక్షకులను ఎంతగానో అలరించింది. చాలా ఏళ్ల తర్వాత అలాంటి డిఫరెంట్ కాన్సెప్టుతో 'మెర్య్కూరీ' రూపొందిస్తున్నారు.
ఈ చిత్రానికి భాష లేదు. ఇందులో ఎలాంటి డైలాగులు ఉండవు. ఇదొక మూకీ సినిమా. కేవలం బ్యాగ్రౌండ్ స్కోర్, విజువల్స్తో ప్రేక్షకులు థ్రిల్ ఫీలయ్యేలా ఈ చిత్రాన్ని తెరకెక్కించారు. 1992లో మెర్క్యూరీ విష ప్రభావం వల్ల 84 మంది చనిపోయారు... అనే ఓ కథ చుట్టూ ఈ సినిమా తిరుగుతుందని తెలుస్తోంది.
ప్రభుదేవా, సనంత్, ఇంధుజా, దీపక్ పరమేష్, శశాంక్ పురుషోత్తమ్, అనిష్ పద్మనాభన్ ముఖ్య పాత్రలు పోషిస్తున్నారు. పెన్ మూవీస్ పతాకంపై కార్తికేయన్ సంతానం, జయంతిలాల్ గద ఈ చిత్రాన్ని నిర్మిస్తున్నారు. సంతోష్ నారాయణ్ సంగీతం అందిస్తున్నారు. ఈ చిత్రానికి కథ, స్క్రీన్ ప్లే, డైరెక్షన్: కార్తీక్ సుబ్బరాజు.
ఏప్రిల్ 13న ఈ చిత్రాన్ని విడుదల చేస్తున్నారు. ఈ చిత్రానికి భాష లేదు కాబట్టి బాలీవుడ్, టాలీవుడ్, కోలీవుడ్, సాండల్వుడ్ ఇలా అన్ని ఇండస్ట్రీలో ఈ చిత్రాన్ని విడుదల చేయబోతున్నారు. మరి దర్శకుడు ఈ సినిమా ద్వారా ప్రేక్షకులను ఎలా ఎంటర్టెన్ చేయబోతున్నాడో చూడాలి.