డైరెక్ట్ ఓటీటీ రిలీజ్ కి మూడు టాలీవుడ్ సినిమాలు రెడీ.. ఏ సినిమాలంటే?

రిలీజ్ ఖాయం

గత ఏడాది కరోనా కారణంగా చాలా ఇబ్బందులు పడిన టాలీవుడ్ తర్వాత కాస్త కోలుకుంది. ఈ ఏడాది మొదట్లో రిలీజ్ అయిన క్రాక్ సినిమా మొదలు మరో రెండు మూడు హిట్ సినిమాలు టాలీవుడ్ ఖాతాలో పడ్డాయి. ఈ లోపు మళ్ళీ మహమ్మారి విజృంభించడంతో థియేటర్లు మూసివేశారు. ఆ తర్వాత కొన్ని రోజులకే లాక్ డౌన్ కూడా విధించారు. అయితే తెలుగులో చాలా సినిమాలు ఓటీటీలో రిలీజ్ అవుతాయని ప్రచారం జరుగుతోంది. మరీ ముఖ్యంగా మూడు సినిమాలు మాత్రం కచ్చితంగా ఓటీటీలో రిలీజ్ అయ్యే అవకాశాలు ఉన్నాయని అంటున్నారు.

దృశ్యం 2

వెంకటేష్ హీరోగా తెరకెక్కిన మలయాళ రీమేక్ సినిమా దృశ్యం 2 షూటింగ్ ఇప్పటికే పూర్తయింది. ఈ సినిమా పోస్ట్ ప్రొడక్షన్ దశలో ఉన్నట్లు తెలుస్తోంది. నిజానికి ఈ సినిమా ఒరిజినల్ వెర్షన్ కూడా అమెజాన్ ప్రైమ్ లో రిలీజ్ అయి మంచి హిట్ అయ్యింది. ఈ తెలుగు వర్షన్ కూడా అమెజాన్ ప్రైమ్ కి అమ్మేసినట్లు తెలుస్తోంది. దీనికి సంబంధించిన అధికారిక ప్రకటన త్వరలో వెలువడే అవకాశం ఉందని అంటున్నారు.

మ్యాస్ట్రో

ఇక నితిన్ హీరోగా నటిస్తున్న మ్యాస్ట్రో సినిమా ఇప్పటికే షూటింగ్ పూర్తి చేసుకుంది. ఈ సినిమాకు సంబంధించిన పోస్ట్ ప్రొడక్షన్ పనులు ప్రస్తుతం వేగంగా జరుగుతున్నాయి. ఇప్పటికే ఈ సినిమా నిర్మాణ సంస్థ ఒక ప్రముఖ ఓటీటీతో డీల్ కుదుర్చుకోవడానికి ప్రయత్నాలు చేస్తోందని, ఒకవేళ డీల్ ఫైనల్ అయితే త్వరలోనే రిలీజ్ అయ్యే అవకాశాలు ఉన్నాయని అంటున్నారు.

Recommended Video

Drishyam 2 Remake Runs Into Trouble || Filmibeat Telugu

పాగల్

ఇక దిల్ రాజు నిర్మాతగా తెరకెక్కిన విశ్వక్సేన్ సినిమా పాగల్ కూడా డిజిటల్ రిలీజ్ చేయడానికి ఆసక్తిగా చూపిస్తున్నారని తెలుస్తోంది. అందుతున్న సమాచారం మేరకు ఈ సినిమా అమెజాన్ ప్రైమ్ సంస్థ కొనుగోలు చేసినట్లు చెబుతున్నారు. ప్రస్తుతం ప్రీప్రొడక్షన్ దశలో ఉన్న ఈ సినిమా ఒకసారి పూర్తి కాగానే అధికారిక ప్రకటన వెలువడుతుందని అంటున్నారు. అలాగే జూన్ నెలలో ఈ సినిమా స్ట్రీమ్ అవకాశాలు కనిపిస్తున్నాయని అంటున్నారు.