త్రాగి పట్టుబడ్డ రైటర్ కోన వెంకట్

By Srikanya

| Published: Sunday, September 1, 2013, 15:29 [IST]

హైదరాబాద్ : ప్రముఖ సినీరచయిత కోన వెంకట్ మద్యం సేవించి వాహనం నడుపుతూ పోలీసులకు పట్టుబడ్డాడు. పోలీసులు తెలిపిన వివరాల ప్రకారం శుక్రవారం అర్ధరాత్రి ట్రాఫిక్ పోలీసులు బంజారాహిల్స్ రోడ్‌నెం.12లోని మోర్ మెడికల్స్ వద్ద వాహనదారులను తనిఖీ చేస్తుండగా మద్యం సేవించి వాహనాన్ని నడుపుతూ ఆయన పట్టుబడ్డారు. ఆయనపై కేసు నమోదు చేసిన ట్రాఫిక్ పోలీసులు కారును కారును సీజ్ చేశారు. తనిఖీల్లో భాగంగా 11 కార్లు, రెండు బైకులను పోలీసులు సీజ్ చేశారు. మొత్తం 13 కేసులు నమోదయ్యాయి.

ఇక కోన వెంకట్ మొత్తానికి దర్శకుడుగా మారుతున్నారు. అయితే ఆయన పెద్ద హీరోను డైరక్ట్ చేస్తారనుకుంటే ..మొదట ఓ చిత్రం డైరక్ట్ చేసి తర్వాత పెద్ద హీరోతో ప్లాన్ చేస్తానని చెప్తున్నారు. వంశీ మాదిరాజు, రామ్ గోలి అనే ఇద్దరు ఎన్నారైలు ఆయన తో చిత్రం నిర్మిస్తున్నారు. లాఫింగ్ బుద్ద ఎంటర్టైన్మెంట్స్ పతాకంపై ఈ చిత్రం రూపొందుతోంది. గతంలో కోన వెంకట్....పవన్ తో ప్రాజెక్టు అనుకున్నారు. అయితే కోన వెంకట్ ని మీడియా వారు..ప్రశ్నిస్తే..ఆయన సమాధానంతో ఈ ప్రాజెక్టుకి క్లారిటీ ఇచ్చారు.

కోన వెంకట్ మాట్లాడుతూ... పవన్‌కల్యాణ్.. ఆయనతో సినిమా తీయాలనేది నా ఆశ, నా ఆశయం. మనసులో మాలిన్యం అనేది లేని మంచిమనిషి ఆయన. పర్సనల్‌లైఫ్‌ని, ప్రొఫెనల్ లైఫ్‌ని అస్సలు మిక్స్ చేసి చూడరాయన. ఆయనలో ఉన్న గొప్ప క్వాలిటీ అది. ఒక వ్యక్తి దగ్గర టాలెంట్ ఉందంటే వాడు చుట్టం అయి ఉండక్కర్లేదు, ఫ్రెండవనక్కర్లేదు. చివరకు రోడ్డు మీద పోయేవాడైనా సరే.. పిలిచి మరీ అవకాశం ఇస్తాడు. చాలామందికి అవకాశం ఇచ్చాడు కూడా అన్నారు. అలాగే... ప్రస్తుతం వాళ్లందరూ స్కోడా కార్లేసుకొని మన కంటి ముందే తిరుగుతున్నారు. దటీజ్ పవర్‌స్టార్. నేనోసారి 'కల్యాణ్ మీరు చాలామందికి అవకాశం ఇచ్చారు కదా.. నేను ఓ మంచి కథ తెచ్చుకుంటే నాకూ అవకాశం ఇస్తారా' అని అడిగా. 'ఎందుకివ్వను. ఇవ్వకపోవడానికి నాకేమైనా పిచ్చా. మంచి కథ తీసుకురా చేద్దాం' అన్నారు.

Comments

English summary

Traffic police nabbed Telugu scriptwriter Kona Venkat, during the drive against drunken driving at Banjara Hills on Saturday night. The traffic police, who were conducting a special drive against drunken driving, intercepted a Honda car around 11.10 pm and found its driver in a drunken state. As he appeared to be in an inebriated state, Kona was asked to take breathalyzer test by police. In the check, breathalyzer displayed the blood alcohol content of Dinesh as 40 mg/100 ml and he was asked to exit the vehicle. Police registered a case against him and seized the vehicle. He was asked to attend a counselling session at the Traffic Training Institute and appear in court after which the vehicle will be released.

Story first published: Sunday, September 1, 2013, 15:29 [IST]