Don't Miss!
- News కర్ణాటకలో నేడు పోలింగ్ జరిగే లోక్సభ నియోజకవర్గాలు ఇవే
- Sports SRH vs RCB: హమ్మయ్యా.. ప్రశాంతంగా పడుకుంటాం! ఆ గ్రౌండ్తోనే మాకు ఇబ్బంది: ఫాఫ్ డుప్లెసిస్
- Lifestyle ఈ 4 రాశుల వారు ఎల్లప్పుడూ ఇతరులకు రహస్య శ్రేయోభిలాషులు..
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
బిగ్బాస్ సెన్సేషన్ ఓవియాతో టాలీవుడ్ హీరో రొమాన్స్.. చెన్నైకి మకాం..
తండ్రి నట వారసత్వాన్ని అందుకొని టాలీవుడ్లోకి ప్రవేశించిన ఆది నటుడిగా నిలదొక్కుకోవడానికి ప్రయత్నిస్తున్నాడు. విభిన్నమైన పాత్రలను ఎంచుకొని కష్టపడుతున్నా భారీ విజయం అందని ద్రాక్షగానే మిగిలింది. ఇలాంటి ప
Recommended Video
తండ్రి నట వారసత్వాన్ని అందుకొని టాలీవుడ్లోకి ప్రవేశించిన ఆది నటుడిగా నిలదొక్కుకోవడానికి ప్రయత్నిస్తున్నాడు. విభిన్నమైన పాత్రలను ఎంచుకొని కష్టపడుతున్నా భారీ విజయం అందని ద్రాక్షగానే మిగిలింది. ఇలాంటి పరిస్థితుల నేపథ్యంలో తన అదృష్టాన్ని పరీక్షించుకోవడానికి ఆది పెద్ద సాహసమే చేస్తున్నాడు. అదేమిటంటే ఆది తమిళ చిత్ర పరిశ్రమలోకి ప్రవేశిస్తుండటమే..
నెక్ట్స్ నువ్వే చిత్రంలో
మల్టీస్టారర్గా రూపొందిన శమంతకమణి చిత్రంలో ఆది నటించాడు. ఆ చిత్రంలోని పాత్రకు మంచి పేరు వచ్చింది. ప్రస్తుతం నెక్ట్స్ నువ్వే చిత్రంలో నటిస్తున్నాడు. ఈ చిత్రానికి ఈటీవీ ప్రభాకర్ దర్శకుడు. రష్మీ కథానాయిక. త్వరలోనే ఈ చిత్రం ప్రేక్షకుల ముందుకు రానున్నది.
ఆది సరసన ఓవియా హెలెన్
తెలుగులో వరుస చిత్రాలు చేస్తూనే తమిళంలో ఓ చిత్రాన్ని చేసేందుకు అంగీకరించాడు. హారర్ చిత్రంగా రూపొందనున్న కాట్టేరిలో నటించేందుకు ఆది గ్రీన్ సిగ్నల్ ఇచ్చాడు. ఈ బిగ్ బాస్ సెన్సేషన్ ఓవియా హెలెన్ కథానాయిక. అక్టోబర్ నెలలోనే సెట్స్పైకి వెళ్లనున్నది. ఈ చిత్రానికి సంబంధించిన ఫస్ట్ లుక్ ఇటీవలే విడుదలైంది. ఈ చిత్రానికి యామిరుక్క భయమే (ఫేం) దీకేయ్ దర్శకుడు.
బిగ్బాస్లో ఓవియా రచ్చ రచ్చ
కాట్టేరి చిత్రంలో నటిస్తున్న ఓవియా హెలన్ను తమిళ బిగ్బాస్ రచ్చ రచ్చ చేసింది. ఇంటి నుంచి బయటకు పంపించాలని గొడవ చేసిన ఓవియా.. ఆత్మహత్యకు ప్రయత్నించడంతో ఆమెను బిగ్బాస్ నుంచి బయటకు పంపించారు.
ఓవియాకు భారీగా ఆఫర్లు
బిగ్బాస్ నుంచి బయటకు వచ్చిన తర్వాత ఓవియాకు ఆఫర్లు కుప్పలు తెప్పలుగా వస్తున్నాయి. ప్రస్తుతం కనీసం ఆరు చిత్రాలు చేతిలో ఉన్నట్టు తెలుస్తున్నది. హరహర మహాదేవకి చిత్రానికి దర్శకత్వం వహించిన సంతోష్ జయకుమార్ చిత్రాన్ని కూడా అంగీకరించినట్టు సమాచారం. ఇటీవల విడుదలైన హరహర మహాదేవకి చిత్రం మంచి కలెక్షన్లను రాబట్టింది.