హోమ్

గాసిప్స్

మంచి ప్రతిభ కలిగిన దర్శకుడు క్రిష్. ఆయన చిత్రాలు రెగ్యులర్ కమర్షియల్ చిత్రాలకు భిన్నంగా ఉంటాయి. క్రిష్ ప్రస్తుతం బాలీవుడ్ లో కంగనా రనౌత్ ప్రధాన పాత్రధారిగా మణికర్ణిక చిత్రాన్ని రూపొందిస్తున్న సంగతి తెలిసిందే. ఈ చిత్రం చివరి దశకు చేరుకుంది. క్రిష్ తన తదుపరి చిత్రంగా స్టైలిష్ స్టార్ అల్లు అర్జున్ తో ఓ చిత్రం చేయబోతున్నట్లు వార్తలు వస్తున్నాయి.

Recommended Video

అల్లు అర్జున్ ప్రస్తుతం నా పేరు సూర్య అనే చిత్రంలో నటిస్తున్నాడు. ఈ చిత్రం మే మొదటివారంలో ప్రేక్షకుల ముందుకు రాబోతోంది. అల్లు అర్జున్ నెక్స్ట్ మూవీ గురించి ఇంకా క్లారిటీ రాలేదు. ఈ నేపథ్యంలో అల్లు అర్జున్, క్రిష్ తో సినిమా చేసే అవకాశలు ఉన్నాయనే ఊహాగానాలు వినిపిస్తన్నాయి. అల్లు అర్జున్ గతంలో వేదం చిత్రం కోసం క్రిష్ దర్శకత్వంలో నటించారు. ఆ చిత్రానికి మంచి గుర్తింపు వచ్చినా కమర్షియల్ గా రాణించ లేకపోయింది.

క్రిష్ ఇటీవలే అహం బ్రహ్మాస్మి అనే టైటిల్ ని రిజిస్టర్ చేయించారని, అది బన్నీ చిత్రం కోసమే అనే వార్తలు వస్తున్నాయి. ఈ చిత్రం భారీ స్థాయిలో ప్రయోగాత్మకంగా తెరకెక్కించాలని క్రిష్ ప్లాన్ చేస్తున్నారు. క్రిష్ చెప్పే స్టోరీకి బన్నీ ఒకే చెబితే ఈ కాంబినేషన్ సెట్ అయినట్లే. చూద్దాం ఏం జరుగుతుందో!