Don't Miss!
- Automobiles విమానంలో ప్రేమ కావ్యం.. అద్భుతమైన సన్నివేశానికి ఫిదా అవుతున్న నెటిజన్లు
- Finance Uday Kotak: కోటక్ బ్యాంక్ స్టాక్ క్రాష్.. పాపం ఉదయ్ కోటక్.. ఎంత నష్టపోయారంటే..
- Sports కోహ్లి.. అసలు ఇదేం బ్యాటింగ్- సునీల్ గవాస్కర్
- News రేవంత్ రెడ్డి సీటుకు భలే డిమాండ్
- Lifestyle ఈ 4 రాశుల వారు ఎల్లప్పుడూ ఇతరులకు రహస్య శ్రేయోభిలాషులు..
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
టెర్రర్ ఎటాక్ నుంచి తప్పించుకొన్న ప్రియాంక.. కూతవేటు దూరంలో ఉగ్రదాడి
బాలీవుడ్ నుంచి హాలీవుడ్కు ఎగుమతి అయిన అందాల తార ప్రియాంక చోప్రా తృటిలో భారీ ఉగ్ర ప్రమాదం నుంచి తప్పించుకొన్నారు. న్యూయార్క్ సిటీలో మంగళవారం జరిగిన టెర్రర్ ఎటాక్ ప్రియాంక నివాసానికి కూతవేటు దూరంలో జరిగింది. ఈ ఘటనలో ఎనిమిది మంది పాదాచారులు మృత్యువాత పడ్డారు.
ప్రియాంక చోప్రా నటిస్తున్న క్వాంటికో టీవీ షో మూడో సీజన్ కోసం ఆమె షూటింగ్ చేస్తుండగా ఉగ్రదాడి చోటుచేసుకొన్నది. మృతుల కుటుంబాలకు ఆమె ప్రగాఢ సంతాపం తెలిపారు.
ప్రియాంక నివాసానికి కూతవేటు
నేను షూటింగ్ చేస్తున్న ప్రదేశానికి ఐదు బ్లాకుల దూరంలో ఉగ్రదాడి జరిగింది. ఆ పేలుడు శబ్దం నాకు స్పష్టంగా వినిపించింది. చాలా దారుణమైన సంఘటన. పేలుళ్ల శబ్దం వినిపించగానే షూటింగ్ నుంచి ఇంటికి వెళ్లిపోయాను అని ప్రియాంక ట్వీట్ చేసింది.
న్యూయార్క్ సిటీ బెదిరిపోలేదు..
పేలుళ్ల శబ్దాలు ఈ ప్రపంచం ఏమిటో అనే విషయాన్ని నాకు చెప్పకనే చెప్పాయి. ఈ తాటకు చప్పుళ్లకు న్యూయార్క్ సిటీ బెదిరిపోకుండా ధైర్యంగా నిలబడింది. ఉగ్రదాడిలో మరణించిన కుటుంబాలకు నా ప్రగాఢ సంతాపం మరో ట్వీట్లో ఆమె పేర్కొన్నది.
కిడ్నాప్ ఎపిసోడ్ను షూట్
ఇదిలా ఉండగా, క్వాంటికో షూటింగ్లో భాగంగా కిడ్నాప్ ఎపిసోడ్ను షూట్ చేశారు. ఈ షూటింగ్కు సంబంధించిన ఫొటోలు సోషల్ మీడియాలో వైరల్గా మారాయి. ఇప్పటివరకు ప్రియాంక దాదాపు 13 ఏపిసోడ్స్ పూర్తిచేసింది. మిగితా ఎపిసోడ్స్ కోసం ఆమె న్యూయార్క్లో ఉంటున్నది.
జనవరి 2018లో మూడో సీజన్
క్వాంటికో సిరీస్లో ప్రియాంక ఎఫ్బీఐ ఆఫీసర్గా పనిచేస్తున్నది. గత రెండు ఎపిసోడ్స్కు అమెరికాలో చాలా చెత్తగా రేటింగ్ వచ్చాయి. అయితే అవన్నీ పక్కనపెట్టి ఏబీసీ న్యూయార్క్ మూడో సీజన్కు సిద్ధమైంది. ఈ మూడో సీజన్ జనవరి 2018లో ప్రారంభం కానున్నది.