హోమ్

న్యూస్

'పరుగు' వంటి సక్సెస్ ఫుల్ చిత్రం తర్వాత అల్లు అర్జున్ కథానాయకుడుగా నటిస్తున్న చిత్రం 'ఆర్య 2'. కాజల్ కథానాయిక. నవదీప్, శ్రద్ధాదాస్ మరో జంటగా నటిస్తున్నారు. ఆదిత్య ఆర్ట్స్ బ్యానర్ పై ఆదిత్య బాబు, భోగవల్లి ప్రసాద్ సంయుక్తంగా ఈ చిత్రాన్ని నిర్మిస్తున్నారు. 2004లో విజయవంతమైన 'ఆర్య' చిత్రానికి సీక్వెల్ గా రూపొందుతున్న ఈ చిత్రానికి సుకుమార్ దర్శకత్వం వహిస్తున్నారు. ఒక పబ్ సాంగ్ మినహా షూటింగ్ మొత్తం పూర్తయింది. ఈ పాటను శుక్రవారం నుంచి అన్నపూర్ణా స్టూడియోస్ లో వేసిన పబ్ సెట్ లో చిత్రీకరిస్తామని ఆదిత్యబాబు తెలిపారు.

యూత్ ఎంటర్ టైనర్ గా ఈ చిత్రాన్ని సుకుమార్ తెరకెక్కిస్తున్నారనీ, 'ఆర్య' చిత్రం తరహాలోనే ఈ చిత్రం కూడా ప్రేక్షకులను ఎంతో ఆకట్టకుంటుందనీ ఆయన చెప్పారు. దేవీశ్రీప్రసాద్ అద్భుతమైన సంగీతంను అందజేశారనీ, త్వరలోనే ఆడియో విడుదల చేసి అక్టోబర్ 1న సినిమా రిలీజ్ చేస్తామని తెలిపారు. ఈ చిత్రంలో అల్లు అర్జున్ తొలిసారి సాఫ్ట్ వేర్ ఇంజనీర్ పాత్రను పోషిస్తుండగా, తమిళ హీరో ఆర్య విలన్ గా నటిస్తున్నారు. ఈ చిత్రంలోని ఇతర పాత్రల్లో గుండు హనుమంతరావు, జెన్నీ, తిలక్, వినోద్, జూనియర్ రేలంగి, అన్నపూర్ణ తదిరులు నటిస్తున్నారు.