Don't Miss!
- News కర్ణాటకలో నేడు పోలింగ్ జరిగే లోక్సభ నియోజకవర్గాలు ఇవే
- Sports SRH vs RCB: హమ్మయ్యా.. ప్రశాంతంగా పడుకుంటాం! ఆ గ్రౌండ్తోనే మాకు ఇబ్బంది: ఫాఫ్ డుప్లెసిస్
- Lifestyle ఈ 4 రాశుల వారు ఎల్లప్పుడూ ఇతరులకు రహస్య శ్రేయోభిలాషులు..
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
'హలో' కోసం ఎవరిని దించుతున్నారో తెలుసా?, ఈసారి బాక్స్ బద్దలైపోవాల్సిందే?..
స్టార్లతో సినిమాలంటే కోట్లతో వ్యవహారం. ఆ స్టార్ వాల్యూనే భారీ ఓపెనింగ్స్ రాబట్టుకొస్తుందనేది నిర్మాతల భరోసా. కానీ ఒక్కోసారి వ్యవహారం బెడిసికొట్టి అసలుకే ఎసరొచ్చే సందర్భాలు లేకపోలేదు.
Recommended Video
అందుకే ఓ స్టార్ హీరో సినిమా ప్రమోషన్స్లో మరో స్టార్ హీరో కూడా మెరవడం పరిపాటి. తద్వారా ఆ హీరో అభిమానులకు కూడా సినిమాపై ఎటెన్షన్ క్రియేట్ అవుతుందనేది వారి ఉద్దేశం.
అక్కినేని నట వారసుడు 'అఖిల్' సినిమా తీవ్ర పరాభవాన్ని మిగిల్చిన సంగతి తెలిసిందే. తాజా చిత్రం 'హలో' ద్వారా సక్సెస్ ట్రాక్ ఎక్కాలని ప్రయత్నిస్తున్నారు. మెగాస్టార్ చిరంజీవి ద్వారా ఇప్పుడీ సినిమాకు ఎటెన్షన్ క్రియేట్ చేయాలనుకుంటుండటం విశేషం.
ఈసారి ఎలాగైనా!:
నాగార్జున వారసుడిగా ఎంట్రీ ఇస్తూ అఖిల్ చేసిన తొలి సినిమా ఊహించని విధంగా బాక్స్ ఆఫీస్ వద్ద దారుణంగా బోల్తా కొట్టింది. దీంతో అఖిల్ను హీరోగా నిలబెట్టేందుకు ఈసారి చాలా జాగ్రత్తగా వ్యవహరించినట్లు తెలుస్తోంది. ఫీల్ గుడ్ సినిమాలకు పెట్టింది పేరైన విక్రమ్ కె కుమార్ గౌడ్ను దర్శకుడిగా ఎంచుకోవడానికి ఇదే కారణమని చెప్పవచ్చు.
సెన్సార్ 'యు' సర్టిఫికెట్:
ఫ్యామిలీ, రొమాంటిక్ యాక్షన్ చిత్రంగా తెరకెక్కుతున్న ఈ సినిమాకు సెన్సార్ 'యు' సర్టిఫికెట్ ఇచ్చింది. దీంతో హలో చిత్రం కుటుంబ ప్రేక్షకులకు కూడా దగ్గరయ్యే అవకాశాలు కనిపిస్తున్నాయి.
కథ ఏంటి?
ఇక కథ విషయానికొస్తే.. చిన్నతనంలోనే ఇద్దరూ విడిపోవాల్సిన సందర్భం వస్తుంది. అలా విడిపోయేటప్పుడు.. హీరోకి హీరోయిన్ ఫోన్ నెంబర్ ఇచ్చి వెళ్ళిపోతుంది. అలా 15 ఏళ్ల పాటు.. హీరో ఆమె కోసం ఎన్ని సార్లు ఫోన్ చేసినా మళ్లీ ఆమె కాంటాక్ట్ లోకి రాదు. ఎప్పుడు తను 'హలో' అంటుందా అని హీరో వేచిచూస్తూ ఉంటాడు. సింపుల్గా ఇదీ కథ.
మ్యాజిక్ రిపీట్ అవుతుందా?:
ఇష్క్, మనం వంటి సినిమాలతో తెలుగు తెరపై బ్యూటిఫుల్ కథల్ని ప్రజెంట్ చేసిన విక్రమ్ కె కుమార్ ఈసారి కూడా మ్యాజిక్ చేస్తారనే అంతా భావిస్తున్నారు. తనదైన స్క్రీన్ ప్లే తో అఖిల్ కు విక్రమ్ పక్కా హిట్ ఇస్తారని నాగార్జున నమ్మకంగా ఉన్నారు. ఈ సినిమా డిసెంబర్ 22న ప్రేక్షకుల ముందుకు రానుంది.
'చిరు'ని దించుతున్నారు..:
'అఖిల్' సినిమా విడుదల సమయంలో సూపర్ స్టార్ మహేష్ బాబు ముఖ్య అతిథిగా విచ్చేసిన సంగతి తెలిసిందే. ఈసారి హలో స్పెషల్ ప్రమోషనల్ వేడుకకు మెగాస్టార్ చిరంజీవిని ముఖ్య అతిథిగా ఆహ్వానించారు. చిరంజీవి ముఖ్య అతిథిగా హాజరవుతుండటంతో ఈ సినిమాపై మరింత బజ్ క్రియేట్ అయ్యే అవకాశాలున్నాయి. చిరంజీవి డైలాగ్లో చెప్పాలంటే.. బాక్స్ బద్దలవుతుందో లేదో చూడాలి మరి.