రణబీర్ కపూర్-కత్రినా కైఫ్ విడిపోయారా?

By Bojja Kumar

Published: Monday, January 18, 2016, 10:23 [IST]

హైదరాబాద్: బాలీవుడ్ లవర్ బాయ్ రణబీర్ కపూర్ గత కొంత కాలంగా హీరోయిన్ కత్రినా కైఫ్ తో సహజీవనం చేస్తున్న సంగతి తెలిసిందే. ఇద్దరూ కొంత కాలంగా ఒకే ఇంట్లో ఉంటున్నారు. ఇరు కుటుంబాల నుండి వీరి పెళ్లికి గ్రీన్ సిగ్నల్ వచ్చిందని, త్వరలో ఇద్దరూ వివాహం ద్వారా ఏకం అవ్వబోతున్నారంటూ కొంత కాలంగా మీడియాలో ఇందుకు సంబంధించిన హడావుడి జరుగుతోంది.

అయితే తాజాగా పరిస్థితి పూర్తిగా మారి పోయింది. ఇద్దరూ ఇపుడు ఆ ఇంటిని ఖాళీ చేసి ఎవరి ఇంటికి వారు వెళ్లి పోయినట్లు సమాచారం. ఇద్దరి మధ్య బ్రేకప్ అయిందని, అందుకే ఎవరి దారి వారు చూసుకున్నారని టాక్. ఇటీవల ఓ ఇంటర్వ్యూలో కత్రినా మాట్లాడుతూ... ‘రణబీర్ ఒక మాటమీద నిలబడే వ్యక్తి కాదు. తన నిర్ణయాలు ఎప్పుడూ మార్చుకుంటూ ఉంటాడు. ఓ రిలేషన్ షిప్ కు కమిట్ అయ్యే వ్యక్తిత్వం కాదు' అని చెప్పింది. దీంతో ఇద్దరి మధ్య ‘సం'బంధం తెగిపోయిందనే ప్రచారం జరుగుతోంది.

అయితే ఇద్దరి మధ్య విడిపోయేంత పెద్ద గొడవ ఏం జరిగింది? అనే దానిపై మాత్రం క్లారిటీ లేదు. అయితే రణబీర్ లాంటి వ్యక్తిత్వం ఉన్న వాడితో జీవితాంతం కలిసి ఉండటం కష్టమని కత్రినా భావిస్తున్నట్లు ప్రచారం జరుగున్నా....మరికొన్ని కారణాలు కూడా వినిపిస్తున్నాయి. తమాషా చిత్రంలో తన మాజీ ప్రియురాలు దీపికతో కలిసి నటించిన రణబీర్ ఆమెతో క్లోజ్ ఉండటమే కారణమని ఓ వాదన, కత్రినా- సల్మాన్ ఖాన్ మధ్య క్లోజ్ నెస్ పెరగడమూ ఓకారణమని ఇలా రకరకాల వాదనలు వినిపిస్తున్నాయి.