టాప్ 10లో భరత్ అనే నేను.. ట్రెండింగ్‌లో అరవింద సమేత, రంగస్థలం.. సౌత్‌లో టాప్ అతడే!

అగ్రస్థానంలో దళపతి

ఇటీవల విడుదలైన దళపతి విజయ్ నటించిన సర్కార్ చిత్ర హ్యాష్ బ్యాగ్ ట్విట్టర్ ట్రెండింగ్ లో అగ్రస్థానంలో నిలిచింది. సర్కార్ చిత్రం నవంబర్ 7న ప్రేక్షకుల ముందుకు వచ్చి ఘనవిజయాన్ని అందుకుంది. వివాదాలతో ఈ చిత్రం ఇంకా పెద్ద చర్చనీయాంశంగా మారింది. దర్శకుడు మురుగదాస్ ఈ చిత్రాన్ని రాజకీయం అంశాలతో తెరకెక్కించారు. సర్కార్ చిత్రం తర్వాతి స్థానంలో ఇంకా విడుదల కూడా కానీ అజిత్ విశ్వాసం హ్యాష్ ట్యాగ్ ట్రెండింగ్ లో నిలవడం విశేషం.

భరత్ అనే నేను

టాప్ 10లో మూడు తెలుగు చిత్రాలకు చోటు దక్కడం విశేషం. విశ్వాసం తర్వాత మూడవ స్థానంలో సూపర్ స్టార్ మహేష్ బాబు భరత్ అనే నేను చిత్రం నిలిచింది. కొరటాల శివ ఈ చిత్రాన్ని తెరకెక్కించారు. మహేష్ బాబు ఈ చిత్రంలో ముఖ్యమంత్రి పాత్రలో నటించడం విశేషం. ప్రస్థుం ప్రభుత్వం అనుసరిస్తున్న తప్పుడు విధానాలని ఎత్తిచూపుతూ చక్కటి మెసేజ్ ని కొరటాల శివ అందించారు.

సత్తా చాటిన ఎన్టీఆర్, రాంచరణ్

యంగ్ టైగర్ ఎన్టీఆర్ నటించిన అరవింద సమేత చిత్రం కూడా టాప్ 10లో చోటు దక్కించుకుంది. రాయలసీమ ఫ్యాక్షన్ నేపథ్యంలో త్రివిక్రమ్ తెరకెక్కించిన ఈ చిత్రం ఎన్టీఆర్ కెరీర్ లో హైయెస్ట్ గ్రాసర్ గా నిలిచింది. అరవింద సమేత తర్వాతి స్థానంలో మెగాపవర్ స్టార్ రాంచరణ్ రంగస్థలం చోటు దక్కించుకుంది. తెలుగులో బాహుబలి తరువాత బిగ్గెస్ట్ హిట్ గా రంగస్థలం నిలిచింది.

ఆ హ్యాష్ ట్యాగ్స్ కూడా

బాలీవుడ్ లో మీటూ ఉద్యమం పెను దుమారం సృష్టించింది. అత్యంత ప్రభావం చూపిన హ్యాష్ ట్యాగ్స్ జాబితాలో మీటూ ఒకటిగా నిలవడం విశేషం. డీప్ వీర్ వెడ్డింగ్, కేరళ ఫ్లడ్స్ లాంటి హ్యాష్ ట్యాగ్స్ కూడా ట్రెండింగ్ లో నిలిచాయి. ఇక సూపర్ స్టార్ రజని కాలా చిత్రానికి తొలిసారి ఎమోజి సృష్టించారు. ఈ హ్యాష్ ట్యాగ్ కూడా అదరగొట్టింది.