అఫీషియల్ అనౌన్స్‌మెంట్.. ఎన్టీఆర్-త్రివిక్రమ్ ఫిక్స్.. విడుదల ఎప్పుడంటే..?

అనేక ఊహాగానాలు..

అయితే ఎన్టీఆర్ మరో సినిమాను పట్టాలెక్కించబోతోన్నాడని గత కొన్ని రోజులుగా వార్తలు వస్తూనే ఉన్నాయి. దర్శకుడు ఇతడే అంటూ ఎంతో మంది పేర్లు వినిపించాయి.అందులో ముఖ్యంగా కేజీఎఫ్ ఫేమ్ ప్రశాంత్ నీల్ పేరు బాగా చక్కర్లు కొట్టింది. అయితే అవన్నీ గాలి వార్తలేనని స్పష్టమైంది. తాజాగా అఫీషియల్ అనౌన్స్ మెంట్ వచ్చేసింది.

త్రివిక్రమ్‌తో సినిమా..

యంగ్ టైగర్, మాటల మాంత్రికుడి కాంబోలో ఇది వరకే అరవింద సమేత సినిమా వచ్చింది. ఆ సినిమా ఎంతటి ఘన విజయాన్ని నమోదు చేసిందో అందరికీ తెలిసిందే. అయితే మరో సారి వీరిద్దరు కలిసి మ్యాజిక్ క్రియేట్ చేసేందుకు రెడీ అయ్యారు.

ఆ రెండు సంస్థలు సంయుక్తంగా..

త్రివిక్రమ్ సినిమా అనగానే అందులో హారిక అండ్ హాసిని ఉండాల్సిందేనని అందరికీ తెలిసిందే. ఎందుకంటే అది త్రివిక్రమ్ హోమ్ బ్యానర్. అయితే విచిత్రంగా దీంట్లో కళ్యాణ్ రామ్ కూడా వచ్చి చేరాడు. ఎన్టీఆర్ ఆర్ట్స్, హారిక అండ్ హాసిని బ్యానర్స్‌పై తెరకెక్కే ఈ మూవీ వచ్చే ఏడాది సమ్మర్‌లో విడుదల కానున్నట్లు ప్రకటించారు.

టైటిల్ అదేనంటూ ప్రచారం..

అయిననూ పోయిరావలె హస్తినకు.. అనే ఓ మాట మహాభారతంలో ఉంటుంది. ఈ టైటిల్‌ను హారిక అండ్ హాసిని క్రియేషన్స్ పేరిట ఈ మధ్యనే రిజిష్టర్ చేయించారు. దీంతో టైటిల్ ఇదేనంటూ సోషల్ మీడియాలో చక్కర్లు కొడుతుంది. టైటిల్ చూస్తే రాజకీయాల చుట్టూ తిరిగేలా కనబడుతుందని కొందరు అంటుంటే.. పూర్తిగా ఫన్ అండ్ ఫ్యామిలీ ఎంటర్టైనర్‌గానే త్రివిక్రమ్ తెరకెక్కిస్తాడని మరికొందరు అంటున్నారు. మరి ఏది నిజమో తెలియాలంటే ఇంకొన్ని రోజులు ఆగాల్సిందే.